جاتاقحاناعا الدىمەن ءبىرىنشى كۋرس، گرانت يەگەرلەرى جانە كوپبالالى جانە تولىققاندى ەمەس وتباسىلاردان شىققان ستۋدەنتتەر ورنالاستىرىلادى.
ال، قالعان ستۋدەنتتەر پاتەر جالداۋعا ءماجبۇر، دەپ حابارلايدى قازاقپارات ءتىلشىسى اقمولا وبلىسى بويىنشا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل دەپارتامەنتىنىڭ باسپا ءسوز قىزمەتىنە سىلتەمە جاساپ.
اقمولا وبلىسىنداعى ءبىلىم وردالارىندا «تازا سەسسيا» جەمقورلىقتى الدىن الۋ ماقساتىندا ستۋدەنتتەر جاتاقحاناسىن زاڭسىز پانالاپ جۇرگەن تۇلعالار انىقتالۋدا. اتالمىش شارانى ارنايى مونيتورينگ توبى مەن اقمولا وبلىسى بويىنشا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل دەپارتامەنتى جانە اقمولا وبلىسىنىڭ ءى ءى د بىرلەسىپ جۇرگىزۋدە.
«وسىعان دەيىن جۇرگىزىلگەن تەكسەرىس كەزىندە ءبىرقاتار جاتاقحانالارعا جوندەۋ قاجەت ەكەنى انىقتالدى. بۇگىنگى تاڭدا وبلىستاعى جانە كوكشەتاۋ قالاسىنداعى جوعارى جانە ارنايى ورتا ءبىلىم بەرۋ مەكەمەلەرىنە تيەسىلى 14 جاتاقحانا تەكسەرىلدى.
وعان قوسا وبلىس اۋماعىنداعى وزگە دە كوللەدجدەردىڭ جاتاقحانالارى تەكسەرىسپەن قامتىلعان»، - دەپ كورسەتىلگەن باسپا ءسوز حابارلاماسىندا.
ايتا كەتۋ كەرەك، ارنايى مونيتورينگتىك توپ جۇمىسىنىڭ باستى باعىتى ءوڭىردىڭ جەمقورلىققا قارسى كۇرەس ستراتەگياسىنىڭ جۇزەگە اسىرىلۋىن جان-جاقتى تالداۋ جانە باعا بەرۋ بولىپ تابىلادى.