وبلىستىق ىشكى ىستەر دەپارتامەنتى باسپا ءسوز قىزمەتى وكىلدەرىنىڭ ايتۋىنشا، ايەل پوليتسياعا اكەپ تاپسىرعان قارۋ «توز-16» ماركالى كارابين بولىپ شىققان. قازىر وعان ساراپتاما جۇرگىزىلىپ جاتىر. اتاپ ايتقاندا، رەسپۋبليكا اۋماعىندا جاسالعان قىلمىستارعا قاتىسى بار-جوعى تەكسەرىلۋدە.
«تەكسەرىستەر اياقتالعان سوڭ ارناۋلى كوميسسيا سىياقى تولەۋ تۋرالى شەشىم قابىلدايدى. وسى سياقتى ءيىر ويىقتى قارۋلارعا ەڭ كوپ مولشەردە سىياقى بەرىلەدى»، - دەيدى پەتروپاۆل ءى ءى ب اكىمشىلىك پوليتسيا ءبولىمىنىڭ باستىعى اسەل كوكۋشوۆا.
قارۋدى ءوز ەركىمەن اكەپ تاپسىرۋ اكسياسى اياسىندا سولتۇستىك قازاقستاندىقتار 3,2 مىڭنان استام وق-ءدارى جانە زاڭدى تۇردە تىركەلمەگەن 27 قارۋدى تاپسىرعان. سونىڭ 4 ەۋى - ءيىر ويىقتى مىلتىقتار. كوميسسيا ولارعا جالپى 800 مىڭ تەڭگەدەن استام سىياقى بەلگىلەدى.