تەك ەلدىڭ باتىسى مەن وڭتۇستىك-باتىسىندا كۇن اشىق بولادى. كەي جەرلەرگە جاۋىن جاۋىپ، نايزاعاي ويناپ، جەل كۇشەيەدى، ءتىپتى بۇرشاق جاۋۋى دا ىقتيمال، دەپ حابارلايدى قازاقپارات.
سينوپتيكتەردىڭ مالىمەتتەرى بويىنشا، اقمولا، پاۆلودار، جامبىل، باتىس قازاقستان، اقتوبە، قوستاناي، قاراعاندى وبلىستارىندا جەل كۇشەيىپ، جىلدامدىعى سەكۋندىنا 15-20 مەترگە جەتەدى. كۇندىز جەل اقمولا، پاۆلودار جانە قاراعاندى وبلىسىندا دا كۇشەيەدى. مۇندا ءتىپتى 15-20م/س جىلدامدىقپەن جەل سوعىپ، ونىڭ سوڭى بۇرشاققا ۇلاسۋى دا ىقتيمال.
سولتۇستىك قازاقستان وبلىسىنىڭ كەي جەرلەرىندە جەلدىڭ كۇشى سەكۋندىنا 15-20 مەتر جىلدامدىقتى قۇرايدى. بۇرشاق جاۋۋى ىقتيمال.
ماڭعىستاۋ، قىزىلوردا، سونداي-اق اتىراۋ اقتوبە، وڭتۇستىك قازاقستان، جامبىل وبلىستارىنىڭ كەي جەرلەرىندە ءورت قاۋپى تۋىندايدى.
اتىراۋ وبلىسىنىڭ باسىم بولىگىندە اپتاپ ىستىق بولادى.