بۇگىن استاناداعى ق ر ۇلتتىق اكادەميالىق كىتاپحاناسىندا ق ح ا عىلىمي- ساراپشىلىق كەڭەسىنىڭ كەڭەيتىلگەن وتىرىسى ءوتتى. جيىن بارىسىندا ق ح ا-نىڭ XXVI سەسسياسىنىڭ تاپسىرمالارىن ورىنداۋ ماسەلەلەرى تالقىلاندى.
وسى ورايدا ق ح ا- نىڭ XXVI سەسسياسىندا ۇسىنىلعان جاڭا جوباعا توقتالعان ل. پروكوپەنكو، «سونىڭ ءبىرى عىلىمي-تانىمدىق «قازاق تانۋ» جوباسى. ول ءوز كەزەگىندە قازاق مادەنيەتىن، تاريحىن، فيلوسوفياسىن، سونداي-اق قازاق حالقىنىڭ قۇندىلىقتارىن بارلىق قازاقستاندىق ەتنوستار اراسىندا دارىپتەۋگە ارنالعان. جوباعا ەرەكشە ءرول بەلگىلەنىپ وتىر، ياعني ءبىرىڭعاي قۇندىلىقتاردى قالىپتاستىرۋ ەسكەرىلگەن»، - دەدى.
سوندىقتان بيىلعى ماۋسىم ايىندا اقمولا وبلىسىندا اتالعان جوبا رەسمي تۇردە ىسكە قوسىلادى.
«عىلىمي باعىتتا ماعىنا بەرمەي، بۇل جوبانى جۇزەگە اسىرۋ مۇمكىن ەمەس. قحا كافەدرالارى بازاسىندا ونى ىسكە اسىرۋ ءۇشىن ءتيىستى الاڭداردى قۇرۋ كەرەك»، - دەدى لەونيد پروكوپەنكو.
بۇدان بۇرىن حابارلانعانداي، ق ح ا- نىڭ XXVI سەسسياسىندا «قازاق تانۋ» اتتى جاڭا جوبانى جۇزەگە اسىرۋ ۇسىنىلعان بولاتىن.
«رۋحاني جاڭعىرۋ» باعدارلاماسى قازاق حالقىنىڭ رۋحاني اسەمدىگى مەن ىشكى جان دۇنيەسى تەرەڭدىگىنىڭ بارشا كەڭىستىگىن كورسەتتى. داۋىرلەر ءتىرىلىپ، ەسكەرتكىشتەر سويلەدى. قازاق حالقىنىڭ دانالىعى ءبىرىڭعاي حالىقتى بايلانىستىرۋشى نەگىز بولىپ وتىر. اسسامبلەيا «قازاق تانۋ» جاڭا جوباسىن ۇسىندى، بۇل ءوز كەزەگىندە بارشا قازاقستاندىقتارعا قازاق مادەنيەتىنىڭ، تاريحىنىڭ، فيلوسوفياسىنىڭ بىرىكتىرۋشى كۇشى، قازاق حالقىنىڭ قۇندىلىقتارى جونىندە تۇسىنىك بەرۋ ءۇشىن جاسالۋدا»، - دەدى اسسامبلەيا مۇشەسى، شىمكەنت وقۋشىلار سارايىنىڭ ديرەكتورى ناتاليا رومانوۆا.