قازاقستاننىڭ باسىم بولىگىندە جەل كۇشەيىپ، شاڭدى داۋىل تۇرادى

كەي جەرلەردە جاڭبىر جاۋىپ، نايزاعاي وينايدى؛ جەل كۇشەيىپ، داۋىل بولىپ، بۇرشاق جاۋۋى مۇمكىن؛ وڭتۇستىكتە شاڭدى داۋىل كۇتىلەدى.

بۇل تۋرالى ق ر ءى ءى م ت ج ك باسپا ءسوز قىزمەتى حابارلايدى.

وڭتۇستىك قازاقستان وبلىسىنىڭ تۇندە كەي جەرلەرىندە شاڭدى داۋىل سوعىپ، بۇرشاق جاۋۋى مۇمكىن، تاڭەرتەڭ جانە كۇندىز جەلدىڭ جىلدامدىعى 15-20 م/س- عا دەيىن كۇشەيەدى.

سولتۇستىك قازاقستان وبلىسىنىڭ كەي جەرلەرىندە جەلدىڭ جىلدامدىعى 15-20 م/س- عا دەيىن جەتەدى؛ داۋىل، تۇمان بولىپ، بۇرشاق جاۋۋى مۇمكىن؛ تۇندە جانە تاڭەرتەڭ تۇمان كۇتىلەدى.

قوستاناي وبلىسىنىڭ كەي جەرلەرىندە تۇمان بولىپ، جەلدىڭ جىلدامدىعى 15-20 م/س- عا دەيىن كۇشەيەدى، بۇرشاق جاۋۋى ىقتيمال.

اقمولا وبلىسىنىڭ كەي جەرلەرىندە جەلدىڭ جىلدامدىعى 15-20 م/س- عا جەتەدى، تۇندە جانە تاڭەرتەڭ كەي جەرلەرىندە تۇمان، كۇندىز داۋىل بولىپ، بۇرشاق جاۋۋى مۇمكىن.

جامبىل وبلىسىنىڭ كەي جەرلەرىندە داۋىل سوعىپ، جەلدىڭ جىلدامدىعى 15-20 م/س- عا دەيىن كۇشەيىپ، بۇرشاق جاۋۋى مۇمكىن.

قىزىلوردا وبلىسىندا كۇندىز جەل سوعىپ، شاڭدى داۋىل تۇرادى. جەلدىڭ جىلدامدىعى 15-20 م/س- عا دەيىن كۇشەيەدى.

الماتى وبلىسىنىڭ، كۇندىز قاراعاندى وبلىسىنىڭ كەي جەرلەرىندە جەل 15-20 م/س- عا دەيىن كۇشەيەدى.

پاۆلودار وبلىسىندا نايزاعاي ويناپ، جەلدىڭ جىلدامدىعى 15-20 م/س- عا دەيىن كۇشەيەدى.

اتىراۋ، ماڭعىستاۋ، قىزىلوردا وبلىستارىندا، وڭتۇستىك قازاقستان، جامبىل وبلىستارىنىڭ كەي جەرلەرىندە وتە جوعارى ءورت قاۋپى ساقتالادى.