ماماندار كومپيۋتەردە كوپ جۇمىس ىستەيتىندەرگە كوز نۇرىن قالاي ساقتاۋ كەرەك ەكەندىگى جونىندە مىناداي كەڭەستەر ۇسىنادى.
1. مونيتوردى دۇرىس ورنالاستىرۋ ەكسپەرتتەردىڭ ايتۋىنشا ەڭ الدىمەن مونيتوردى كوزگە قولايلى ەتىپ ورنالاستىرىپ الۋ وتە ماڭىزدى. مونيتور مەن كوز اراسىنداعى اراقاشىقتىق 40 سانتيمەتردەن جاقىن بولماۋى كەرەك. ودان وزگە ەكران جارىعىن وزىڭىزگە قولايلى ەتىپ رەتتەپ الىڭىز. قولايلى شريفت پەن مايدا ەمەس جازۋلار كوزدى شارشاتپايدى. مۇنى دا ەستەن شىعارماعان ءجون.
2. بولمەدەگى جارىق كومپيۋتەردە ۇزاق ۋاقىت جۇمىس ىستەگەندە بولمەنى جىلى كۇيدە جارىقتاندىرىڭىز، مونيتور شام جارىعىنان تۇسەتىن ساۋلەمەن شاعىلىسپايتىنداي بولسىن.
3. نازارىڭىزدى باسقا جاققا اۋدارۋ ادام كومپيۋتەردە ۇزاق ۋاقىت وتىرعاندا ونىڭ نازارى بەلگىلى ءبىر نۇكتەگە باعىتتالادى. بۇل ءدال سول ۋاقىتتا بايقالماعانىمەن ۋاقىت وتە كوزىڭىزدى شارشاتادى. جۇمىس ۋاقىتىندا ءجيى- ءجيى باسىڭىزدى بۇرىپ اينالاعا قاراۋعا تىرىسىڭىز. تىم بولماسا 1-2 سەكۋند تەرەزەگە قاراپ قويىڭىز.
4. كوز جاتتىعۋى ءار 1,5-2 ساعات سايىن كەمىندە 5 مينۋتقا ءۇزىلىس جاساڭىز. بۇل ۋاقىتتا كوز جاتتىعۋىن جاساۋ ارتىقتىق ەتپەيدى: باسىڭىزدى قوزعالتپاي كوزىڭىزدى وڭعا، سولعا، جوعارىعا، تومەنگە بۇرىڭىز. سودان سوڭ كوزىڭىزبەن شەكسىزدىك بەلگىسىن سىزىپ شىعىڭىز. بۇل جاتتىعۋلاردى كوزىڭىزدى جۇمىپ ورىنداساڭىز دا بولادى. ماماندار جاتتىعۋدى جۇمىستى باستاماس بۇرىن، سودان كەيىن ءار ەكى ساعاتتا ورىنداپ تۇرۋعا كەڭەس بەرەدى.
5. ءبىر ۋاقىت سەرۋەندەپ قايتۋدى دا ۇمىتپاڭىز جۇمىس، جۇمىس دەپ دەنساۋلىعىڭىزعا ءمان بەرمەۋدىڭ سوڭى كوبىنە كەلەڭسىزدىككە اپارادى. جۇمىس ۋاقىتىندا ورنىڭىزدان تۇرىپ ءبىراز ءجۇرىڭىز. مۇمكىندىك بولسا سىرتقا شىعىپ، تازا اۋا جۇتىپ قايتىڭىز. سەرۋەندەۋ كوزگە عانا پايدالى ەمەس، ۇنەمى ءبىر ورىندا وتىرىپ جۇمىس ىستەيتىندەردە تۋىندايتىن ومىرتقا اۋرۋلارى مەن ارتىق سالماقتىڭ دا الدىن الادى.
6. كوزىلدىرىك پەن دارۋمەندەر كوزدىڭ قىزارۋىنا قارسى كوز بەتىندەگى جۇقا قاباتتى سۋلاندىرۋعا كومەكتەسەتىن كەز كەلگەن سۇيىق تامشى پايدالى. ەگەر كوزىڭىز قاتتى شارشاپ، قۇرعاسا، شانشۋ سەزسەڭىز دارىگەرگە قارالعانىڭىز ءجون. ول سىزگە ارنايى دارۋمەندەر مەن كوزىڭىزدى شارشاتپاۋعا كومەكتەسەتىن كوزىلدىرىك الۋعا كەرەكتى كەڭەستەر بەرە الادى.
7. كومپيۋتەر ويىندارىن كوپ ويناماۋ جۇمىستى ۇمىتىپ، ءۇزىلىس جاساپ كومپيۋتەر ويىندارىن وينايمىن دەۋ دۇرىس ەمەس شەشىم. سەبەبى شارشاعان كوزىڭىزگە ويىندار دەم بەرمەيدى. جوعارىداعى كەڭەستەرىمىزدى كۇندەلىكتى ادەتكە اينالدىرساڭىز كوزىڭىز سىزگە ۇزاق ۋاقىت شارشاماي قىزمەت ەتەدى.
Massaget.kz