بۇگىنگى زاماندا باۋىر اۋرۋلارىنان زارداپ شەگەتىندەر سانى ارتىپ كەلەدى. ونىڭ ءبىر سەبەبى ناشار ەكولوگيا بولسا، تاعى ءبىر سەبەبى اقپاراتتىق زاماندا ادامداردىڭ ۇنەمى اسىعىس ءجۇرىپ تاماقتانۋى، فاست- فۋدتىق تاعامدارعا دەگەن ەرەكشە قۇمارلىق. باۋىردى ساۋ ۇستاۋ كۇندىز ءوزىمىزدى سەرگەك سەزىنىپ، ءونىمدى جۇمىس ىستەۋدىڭ، دەنساۋلىقتىڭ كەپىلى. نازارلارىڭىزعا باۋىرعا پايدالى بىرنەشە تاعام تۇرلەرىن ۇسىنامىز.
● بال. باۋىر بۇل ءتاتتىنى وتە جاقسى كورەدى ەكەن. بال - تابيعاتتىڭ بىزگە سىيلاعان ەڭ جاقسى شىرىنى. ول اسقازاندا وتە جەڭىل قورىتىلادى.
●سارىمساق. باۋىر فەرمەنتتەرى جۇمىسىن جاقسارتادى. قۇرامىندا باۋىردى تازالايتىن الليتسيلين مەن سەلەن ەلەمەنتتەرى بار.
● كوك شاي قۇرامىندا باۋىر مەن بۇكىل اعزانى قالدىقتاردان تازالايتىن كاتەحين ەلەمەنتى بار. رەگەنەراتسيالىق قىزمەتى بار، ادامدى جاسارتۋعا كومەكتەسەدى.
● اۆوكادو قۇرامىندا باۋىردى تازالايتىن گلۋتاتيون ەلەمەنتى بار. تۇراقتى تۇتىنۋ ارقىلى باۋىر ءتىنىن جاقسارتۋعا بولادى.
● الما باۋىردى زياندى زاتتاردان قورعايدى
● ءزايتۇن مايى. سالقىن كۇيىندە سىعىلعان ءزايتۇن مايى اعزانى توكسيندەردەن تازارتىپ، ەڭ قاجەتتى قورەكتى زاتتارمەن قامتاماسىز ەتەدى.
●كوك شوپتەر: اسكوك، بالدىركوك، ناسىبايگۇل، اقجەلكەن. اعزاعا قاجەتتى دارۋمەندەر بەرەدى، ۋلى زاتتاردى شىعارۋعا كومەكتەسەدى.
●كۋركۋما - ءزىمبىر وسىمدىگىنىڭ ءبىر ءتۇرى. ودان جاسالعان دامدەۋىشتەر تەرىڭىزدى جاسارتىپ، اعزانى باعالى زاتتارمەن قامتاماسىز ەتىپ، باۋىردى تازالايدى.
●جاڭعاق. ينگرەديەنت امينوقىشقىلدارعا باي. قۇرامىندا باۋىردىڭ جاقسى جۇمىس ىستەۋىنە كومەكتەسەتىن گليۋتەن جانە ومەگا-3 ماي قىشقىلدارى بار.
● گرەيپفرۋت. باۋىردىڭ جۇمىس ىستەۋ ساپاسىن جاقسارتادى.
● بالىق. باۋىرعا ومەگا-3 ماي قىشقىلدارىن جەتكىزەدى.
Massaget.kz