كوكجيەكتى كورۋگە ەڭ ىڭعايلى ەلدەر مىنالار:
سكاي ارالى، شوتلانديا
تۇنگى اسپاننىڭ ءتۇسىن وزگەرتەتىن قۇبىلىستان ارالدىڭ ءوزى وزگەرىپ سالا بەرەدى. تۇپ- تۇنىق اسپان كوك پەن جاسىل ارالاسقان تۇسكە بويالىپ، جۇرتتى تامساندىرماي قويمايدى. اسپاندى تاماشالاۋعا ارنالعان ارنايى توعىز ورىن جاسالعان.
يەكيۋلساۋرلوۋن، يسلانديا
تۋريستەر يسلاندياعا بارۋعا وتە قۇشتار. ويتكەنى ءوڭىردىڭ تابيعاتى تامىلجىپ، الەم ەلدەرىن قىزىقتىرماي قويمايدى. ەگەر يسلاندياعا قىستا بارعىڭىز كەلسە، ونىڭ ءتىپتى ايشىقتالا تۇسكەنىن بايقايسىز. سوندىقتان مىندەتتى تۇردە شۇعىلانا كورمەي قايتپاڭىز.
كوپتەگەن تۋريستەر رەيكياۆيك ارقىلى جولعا شىعادى. ەڭ ادەمىسى يەكيۋلساۋرلوۋندەگى مۇزداقتارمەن شاعىلىسقان كوكجيەكتى تاماشالاۋ ەرەكشە اسەرگە بولەيدى.
كانگەرلۋسسۋاك، گرەنلانديا
گرەنلانديا - سولتۇستىك شۇعىلانى تاماشالاۋعا تاپتىرماس ورىن. وسىندا تۇراتىن ينۋيتتەردىڭ ۇرپاعى شۇعىلاعا قاتىستى اڭىز دا ايتىپ بەرەدى. گرەنلانديادا شۇعىلا قىركۇيەك پەن ءساۋىر ايلارىنىڭ ارالىعىندا انىق كورىنەدى. بۇل جەردىڭ اۋاسى وتە تازا بولعاندىقتان اۋەجاي ورنالاسقان كانگەرلۋسسۋاكتان دا ايقىن بايقالادى ەكەن.
تورسحاۆن، فارەر ارالى
دانيانىڭ ءبىر بولىگى سانالاتىن ارالدىڭ ادەمىلىگىنە سۇقتانا قارايتىندار كوپ. الايدا تۋريستەر ءۇشىن ول جەرگە بارۋ قيىنعا تۇسەدى ەكەن. ءبىراق ەل استاناسىنان دا انىق كورىنەتىن قۇبىلىس جۇرت ءۇشىن جۇمباقتىڭ ءبىرى.
كيرۋنا، شۆەتسيا
لاپلاندياداعى شاعىن قالانىڭ ءبىرى. ابيسكو ۇلتتىق ساياباعىنا جاقىن ماڭنان دا شۇعىلانى ەمىن- ەركىن كورۋگە مۇمكىندىك بار.
فينليانديا، كاكسلاۋتتانەن وتەلى
بۇل جەردە كۇن سۋىق بولاتىندىقتان، تۋريستەر ساپارعا شىعا المايدى. ەسەسىنە اسپاننىڭ ءتۇسىن وزگەرتەتىن شۇعىلانى قوناق ءۇي بولمەسىندە وتىرىپ تا تاماشالاي الادى.
كاكسلاۋتتانەن - بولمەلەرى ۇلكەن شىنىدان قاپتالعاندىقتان سولتۇستىك شۇعىلاسىن بولمەدە جاتىپ تا كورە الاسىز.
سالەحارد، رەسەي
رەسەيدە دە تابيعاتتىڭ توسىن قۇبىلىسىن بايقاۋعا بولاتىن عاجايىپ جەر بار. پوليار شەڭبەرىندە ورنالاسقان سالەحارد - سولتۇستىك شۇعىلانى تاماشالاۋعا بولاتىن ەڭ ىڭعايلى جەر. شۇعىلانى «ولىلەردىڭ جارىعى» دەپ تە اتايدى ەكەن.
قالاي دەسەك تە سولتۇستىك شۇعىلاسى - الەم حالقىن قىزىقتىراتىن كورىنىستەردىڭ ءبىرى دە بىرەگەيى.
جولداسبەك دۋاناباي
«ايقىن»