بۇعان دەيىن ابزال ەسىمدى جىگىتتىڭ ءجاميلا ەسىمدى ناۋقاس قىزعا ءبىر بۇيرەگىن بەرىپ، ەرلىك جاساعانىن حابارلاعان بولاتىنبىز.
وسى وقيعادان سوڭ 22 جاستاعى ايگەرىم يسمايل ابزالدى ءوزى ىزدەپ تاپقان. جىگىتتىڭ جومارتتىعىن ەستىپ، بىردەن ۇناتقان.
«ايگەرىم مەن تۋرالى ەستىگەن سوڭ جەلى ارقىلى ىزدەپ تاپتى. ەكى رەت كەزدەستىك. ۇشىنشىسىندە مەن ونى ورالعا الىپ قاشىپ كەتتىم. ءبىر كورگەننەن ۇناتتىم. تويىمىز 8 - ماۋسىمعا جوسپارلانىپ وتىر. تويعا 100 شاقتى ادام كەلەدى. دەنساۋلىعىم جاقسى. دۇكەندە كۇزەتشى بولىپ جۇمىس ىستەيمىن. تويدان سوڭ ءۇي الۋ ماسەلەسىن قاراستىرامىز» ، - دەيدى جىگىت.
ايگەرىم قازىر جۇكتى. ول دا ابزالدى بىردەن ۇناتىپ قالعانىن جاسىرمادى.
«ول ناعىز باتىر. جەر بەتىندە ول سەكىلدى ەسەپ كوڭىلسىز كومەك كورسەتەتىن ادامدار از. مەن ونى وتە جاقسى كورەم. بولاشاعىمىز جارقىن بولارىنا سەنەم» ، - دەيدى جارى.