«24 -مامىر كۇنى КАDЕХ - 2018» حالىقارالىق كورمەسىنىڭ اۋماعىندا بولعان وقيعا بويىنشا استانا ىشكى ىستەر دەپارتامەنتى ق ر ق ك 306-بابىنا («قاۋىپسىزدىك تالاپتارىنا ساي كەلمەيتىن تاۋارلاردى شىعارۋ نەمەسە ساتۋ، جۇمىستاردى ورىنداۋ نە قىزمەتتەر كورسەتۋ») سايكەس سوتقا دەيىنگى تەرگەپ-تەكسەرۋ امالدارىن جۇرگىزىپ جاتىر»، - دەلىنگەن ءى ءى د مالىمدەمەسىندە.
تەرگەۋ بارىسىندا 24 -مامىر كۇنى كورمە تەك ماماندار ءۇشىن اشىلعانى، كورمە اۋماعىنا ادامدار تەك الدىن الا بەرىلگەن رۇقسات قاعازىمەن عانا كىرگىزىلگەنى انىقتالدى.
«سونداي-اق، جابىرلەنۋشى مامان ەمەس ەكەنى، كورمەنىڭ ۇيىمداستىرىلۋىنا ونىڭ ەشقانداي قاتىسى بولماعانى انىقتالدى. قازىر وعان «КАDЕХ - 2018» كورمەسىنە كىرۋگە رۇقسات قاعازىن كىم، قاشان بەرگەنى تەكسەرىلىپ جاتىر»، - دەيدى ۆەدومستۆو وكىلدەرى.
كورمە اۋماعىندا اقپاراتتىق-جارنامالىق ستەندتەردى ورناتۋ جانە مونتاجداۋ قىزمەتتەرىن كورسەتكەن مەردىگەر ۇيىمدارعا قاتىستى ءتيىستى تەكسەرۋ شارالارى ءجۇرىپ جاتىر، ساراپتامالار بەلگىلەنگەن.
حابارلارعا قاراعاندا، وقىس وقيعا بولعان كۇنى جەلدىڭ كۇشەيۋى جانە اۋا رايىنىڭ ناشارلاۋى تۋرالى sms-حابارلاما تاراتىلعان.