ناسا فوتوكامەراسى زىمىران جالىنىنان ورتەنىپ كەتتى

استانا. قازاقپارات - NASA ءۇشىن فوتوسۋرەت تۇسىرەتىن بيلل ينگاللس كامەراسىز قالدى. دالىرەك ايتساق، وقيعا تاياۋداعى «Falcon 9»  زىمىرانىن ۇشىرۋ كەزىندە بولدى.

ۇشۋ اپپاراتى كاليفورنياداعى «ۆاندەنبەرگ» بازاسىنان اۋەگە كوتەرىلە باستاعان كەزدە ونىڭ «قۇيرىعىنان» وت شاشىراپ، سول جەردەن 402 مەتر قاشىقتىقتا وقيعانى ءتۇسىرىپ تۇرعان فوتوكامەرانى شارپىپ وتكەن. سالدارىنان Canon DSLR اپپاراتى ورتەندى. ەڭ قىزىعى، جاپوندىق كامەرا ورتتەن جويىلىپ بارا جاتسا دا سۋرەتكە تۇسىرە بەرگەن ەكەن.

سونداي- اق امەريكان عارىش اگەنتتىگى ءۇشىن جۇمىس ىستەپ جۇرگەن فوتوگراف مامان ءۇشىن بۇل العاشقى وقيعا. سەبەبى 1989 -جىلدان بەرى ونىڭ ءبىر دە ءبىر اپپاراتىنا بۇرىن- سوڭدى زيان كەلمەگەن.

www.24.kz