حيكايا: قۇداي جاقسى ما؟
پروفەسسور: - قۇداي جاقسى ما؟
ستۋدەنت: - ءيا.
پروفەسسور: - ال شايتان شە؟
ستۋدەنت: - جوق.
پروفەسسور: - دۇرىس. ال بالام، ايتشى، جەر بەتىندە جاماندىق بار ما؟
ستۋدەنت: - ءيا.
پروفەسسور: - جاماندىق ول - كورىكسىزدىك، اۋرۋ، قاسىرەت ەمەس پە؟ وسىلاردى قۇداي جاراتتى ما؟
ستۋدەنت: ...
پروفەسسور: - عىلىم دالەلدەگەندەي، ادامدا - 5 سەزىم بار. سول 5 سەزىم ارقىلى ادام بالاسى ويلاپ، قورشاعان ورتانى تانىپ بىلەدى. ال ەندى ايتشى، سەن قۇدايدى كوردىڭ بە؟
ستۋدەنت: - جوق، سەر(مىرزا).
پروفەسسور: - بىزگە ايتشى، سەن قۇدايدى ەستىدىڭ بە؟
ستۋدەنت: - جوق، سەر.
پروفەسسور: - سەن قۇدايدى سەزدىڭ بە؟ ءدامىن كوردىڭ بە؟ يىسكەپ كوردىڭ بە؟
ستۋدەنت: - جوق، سەر.
پروفەسسور: - سوندا دا قۇدايعا سەنەسىڭ بە؟
ستۋدەنت: - ءيا، سەنەمىن.
پروفەسسور: - وسى الىنعان دالەلدەردەن كەيىن، قۇدايدى جوق دەۋگە بولادى. قارسى دالەلىڭ بار ما؟
ستۋدەنت: - جوق، پروفەسسور. مەندە تەك سەنىم عانا بار.
پروفەسسور: - ءدال سولاي. سەنىم - بۇل عىلىمنىڭ ەڭ باستى پروبلەماسى!
ستۋدەنت: - پروفەسسور، جەر بەتىندە سۋىق بار ما؟
پروفەسسور: - بۇل نە دەگەنىڭ؟ ارينە بار. سەن توڭىپ كورگەن جوقسىڭ با؟ (اۋديتورياداعىلار ستۋدەنتتىڭ قويعان سۇراعىنا كۇلە باستادى)
ستۋدەنت: - نەگىزىندە، سەر، جەر بەتىندە - سۋىق جوق. فيزيكا زاڭىنا سايكەس، بىزدەردىڭ سۋىق دەپ جۇرگەنىمىز - جىلۋدىڭ جەتىسپەۋشىلىگى. ابسوليۋتتىك نول دەگەنىمىز (270°س) - جىلۋدىڭ جوقتىعى. وسى كەزدە عانا بۇكىل الەم ينەرتتى بولىپ، وسى تەمپەراتۋراعا بەيىمدەلە المايدى. سوندىقتان دا پروفەسسور، سۋىق - جوق. بۇل ءسوزدى بىزدەر جىلۋ جەتىسپەگەندىكتەن عانا ايتامىز (اۋديتوريادا تىنىشتىق ورنادى). سىزگە تاعى ءبىر سۇراق، قاراڭعىلىق بار ما؟
پروفەسسور: - ارينە بار. قاراڭعى بولماسا ءتۇن قايدان شىعادى؟
ستۋدەنت: - ءسىز تاعى دا دۇرىس ەمەس ايتتىڭىز، سەر. قاراڭعىلىق دەپ - جارىقتىڭ جوقتىعىن ايتامىز. بىزدەر تەك جارىقتى ولشەي الامىز. نيۋتوننىڭ پريزماسىن قولدانۋ ارقىلى جارىقتىڭ ۇزىندىعىن ولشەي الامىز. ال قاراڭعىنى ولشەي المايمىز. ال ەندى سەر، ءولىم بار ما؟
پروفەسسور: - ارينە، ءومىر بار جەردە - ءولىم بار. ەكەۋى قاراما-قايشى.
ستۋدەنت: - ءسىز تاعى دا دۇرىس ەمەس ايتتىڭىز سەر. ءولىم مەن ءومىر قاراما-قايشى ەمەس، ول - ءومىردىڭ جوقتىعى. ءسىزدىڭ عىلىمدىق تەورياڭىزدا ۇلكەن اۋىتقۋ پايدا بولدى.
پروفەسسور: - سونىمەن، نە ايتقىڭ كەلىپ تۇر؟
ستۋدەنت: - سىزدەر ءبىزدى «ادام مايمىلدان تاراعان» دەپ سەندىرگىڭىز كەلەدى. ءسىز وسى ەۆوليۋتسيانى كوزبەن كوردىڭىز بە؟ (پروفەسسور جىميىپ باسىن شايقادى). ەشكىم بۇل پروتسەسستى كورگەن جوق، دەمەك، ءسىز عالىم ەمەس كورىپكەلسىز (اۋديتوريا كۇلكىدەن جارىلدى).
ستۋدەنت: - ال ايتىڭىزدارشى، وسى پروفەسسوردىڭ ميىن كورگەن ادام بار ما؟ ەستىدى مە؟ يىسكەپ كوردى مە؟ ۇستاپ كوردى مە؟ ءدامىن كورگەن ادام بار ما؟ (ستۋدەنتتەر كۇلكىسىن جالعاستىردى)
ستۋدەنت: - دەمەك، ەشكىم كورگەن جوق! وندا عىلىم فاكتىلەرىنە سۇيەنە وتىرىپ، «پروفەسسوردا مي جوق» دەگەن شەشىمگە كەلۋگە بولادى. ال ەندى، وسىدان كەيىن ءسىزدىڭ ايتقان لەكسيالارىڭىزعا قالاي سەنۋگە بولادى؟ (اۋديتوريادا تىنىشتىق ورنادى)
پروفەسسور: - ساعان سەنۋدەن باسقا امالىم قالمادى.
ستۋدەنت: - ءدال سولاي! قۇداي مەن ادام اراسىندا بايلانىس بار، ول - سەنىم...
دەرەككوزى: «حيكايا» توپتاماسىنان