شارل دە گولل- بەسىنشى رەسپۋبليكانىڭ نەگىزىن قالاۋشى جانە ونىڭ تۇڭعىش پرەزيدەنتى (1959-1969). فرانسۋز گەنەرالى، مەملەكەت قايراتكەرى. ەكىنشى دۇنيەجۇزىلىك سوعىس كەزىندە فرانسۋز ۇلت ازاتتىق قوزعالىسىنىڭ كوسەمىنە اينالدى.
«بايقوڭىردان استاناعا دەيىن: فرانسيا مەن قازاقستان اراسىنداعى رەسمي كەزدەسۋلەردىڭ 50 جىلدىعى» اتتى ەكسپوزيتسيا فرانكوفوندىق كوكتەم-2018 شاراسى شەڭبەرىندە وتەدى.
كورمەنى قازاقستانداعى فرانسيانىڭ توتەنشە جانە وكىلەتتى ەلشىسى فيليپپ مارتينە اشادى. شارا فرانسيا جانە قازاقستان ەلشىلىكتەرىنىڭ قولداۋىمەن، قاراعاندىداعى فرانسۋز اليانسىنىڭ ەكومۇراجايمەن تىعىز ارىپتەستىگى ارقاسىندا ۇيىمداستىرىلدى.
ەكسپوزيتسيانى 13 - ساۋىردەن 13 - مامىرعا دەيىن قاراعاندى قالاسى، بۇقار جىراۋ داڭعىلى، 47، «ورتالىق قازجەرقويناۋى» عيماراتىنداعى ەكومۇراجايدا تاماشالاۋعا بولادى.
1966 - جىلدىڭ 25 - ماۋسىمىندا گەنەرال دە گولل - ⅩⅩ عاسىرداعى فرانسيا تاريحىنىڭ باستى كەيىپكەرى جانە حالىقارالىق ساحناداعى اتاقتى تۇلعا - شەت ەل قىزمەتتەرىنىڭ ءمينيسترى كۋۆ دە ميۋرۆيلمەن بىرگە بايقوڭىر عارىش ايلاعىنا كەلىپ، «ۆوستوك-2م» زىمىران تاسىعىشتان سپۋتنيك جىبەرۋ شاراسىن كورۋگە كەلگەن. بۇل «قازاقستان كومپارتياسى ورتالىق كوميتەتىنىڭ ءبىرىنشى حاتشىسى دىنمۇحامەد قونايەۆ قاتىسقان شارا قازىرگى زامانعى قازاقستاننىڭ اۋماعىنداعى باتىس- ەۋروپالىق مەملەكەتتىڭ باسشىسى بولعان تاريحتاعى ءبىرىنشى وقيعا ەدى.