بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ق ر قارجى مينيسترلىگى مەملەكەتتىك كىرىستەر كوميتەتى ءتوراعاسىنىڭ ورىنباسارى ءمادي تاكيەۆ ايتتى، دەپ حابارلايدى قازاقپارات.
«ەتيل ءسپيرتىنىڭ، الكوگول ونىمدەرىنىڭ جانە مۇناي ونىمدەرىنىڭ زاڭسىز ءوندىرىسى مەن اينالىمىنا قارسى تۇرۋ ءۇشىن زاڭسىز اينالىمدى تومەندەتۋگە مۇمكىندىك بەرەتىن جانە سايكەسىنشە سالىقتاردىڭ جينالۋىن كوبەيتەتىن ەسەپتەۋدىڭ باقىلاۋ قۇرالدارى ەنگىزىلدى. قازىرگى ۋاقىتتا، ە ب ق 18 مۇناي وڭدەۋ زاۋىتىندا جانە 48 الكوگول ونىمدەرىن وندىرەتىن زاۋىتتا ورناتىلعان. الكوگول ونىمدەرىنىڭ جانە مۇناي ونىمدەرىنىڭ ءوندىرىسى مەن اينالىمى بويىنشا دەرەكتەر ناقتى ۋاقىت رەجىمىندە «ۇلتتىق اقپاراتتىق تەحنولوگيالار» ا ق- نىڭ وپەراتورىنا جىبەرىلىپ وتىرادى» ، - دەدى م. تاكيەۆ.
ونىڭ ايتۋىنشا، ەسەپتەۋدىڭ باقىلاۋ قۇرالدارى ەنگىزىلگەننەن كەيىن 3 ءىرى مۇناي وڭدەۋ زاۋىتى مەن 4 شاعىن مۇناي وڭدەۋ زاۋىتىندا وندىرىلەتىن بەنزين كولەمى وتكەن جىلمەن سالىستىرعاندا 141 مىڭ تونناعا ارتقان.
«سونىمەن قاتار الكوگول ونىمدەرىن ءوندىرۋ كولەمى دە ارتىپ، 1 ميلليارد 477 ميلليون تەڭگە سوماسىنا اكسيزدەردىڭ قوسىمشا تۇسۋىنە اكەلدى» ، - دەدى كوميتەت ءتوراعاسىنىڭ ورىنباسارى.
سونىمەن قاتار م. تاكيەۆتىڭ ايتۋىنشا، 2017 -جىلدىڭ 27 قاراشاسىندا تەرى بۇيىمدارىن تاڭبالاۋ بويىنشا ىلكى جوبا ىسكە قوسىلدى. سول ۋاقىتتان باستاپ 2018 -جىلدىڭ ناۋرىزى ارالىعىندا قازاقستان رەسپۋبليكاسىنىڭ ساۋدا ورىندارىندا تەرى بۇيىمدارى ءۇشىن 221046 دانا باقىلاۋ بىرىزدەندىرۋ بەلگىلەرىنە تاپسىرىس بەرىلگەن. بۇل رەسمي ستاتيستيكالىق دەرەكتەردەن الدەقايدا جوعارى.