تەكسەرۋ بارىسىندا جايىلىپ جۇرگەن جىلقىلارمەن قاتار ولاردىڭ يەسى دە تابىلدى. ول وسى بەيىتتىڭ ماڭىنداعى فەرمالاردىڭ ءبىرىنىڭ قوجايىنى بولىپ شىقتى.
«505-باپتىڭ تالاپتارىن بۇزعانى ءۇشىن «قالالار مەن ەلدى مەكەندەردىڭ كورىكتەندىرۋ ءتارتىبىن بۇزۋ، ينفراقۇرىلىم نىساندارىن قيراتۋ، قالا مەن ەلدى مەكەندەردىڭ جاسىل جەلەكتەرىن جويۋ» جىلقىلاردىڭ يەسى جاۋاپقا تارتىلدى. ەندى وعان 72 مىڭ 150 تەڭگە كولەمىندەگى ايىپپۇلدى تولەۋ قاجەت»، - دەدى قوستاناي قالاسى اكىمدىگىنىڭ اۋىل شارۋاشىلىعى ءبولىمى جەتەكشىسىنىڭ مىندەتىن اتقارۋشى ارمان احمەتقالي.
اۋەجاي ماڭىنداعى زيراتقا «ستيكس 2012» ج ش س-ى قىزمەت كورسەتەدى. ولارعا زيراتتى ءجىتى باقىلاۋدى قولعا الىپ، ادامدار جەرلەنگەن ايماقتا مالدىڭ جۇرۋىنە جول بەرمەۋ جونىندە كەڭەس بەرىلدى.
ايتا كەتەيىك، وسىعان دەيىن بەيىتتە جايىلىپ جۇرگەن جىلقىلارعا قاتىستى قوستانايلىقتار شاعىمدارىن جەتكىزگەن بولاتىن.