ماحاببات ۇعىمى بارلىعىنا قاراتىپ ايتىلا بەرەتىن ۇعىم. مىسالى وتاندى ءسۇيۋ بار دا، ادامدى ءسۇيۋ بار. ەكەۋى ەكى بولەك ۇعىم. وتاندى جاقسى كورۋ بار وتانعا عاشىق بولۋ دەگەن ءسوز جوق.
اتا-اناڭا جاقسى كورەمىن دەپ ايتاسىڭ. ال، باسقا حالىقتار دا مۇنىڭ ءبارىن ءبىر اتاۋمەن اتاي بەرەدى. مىسالى، ورىستار: «يا ليۋبليۋ تەبيا». ءبىتتى. «يا ليۋبليۋ تەبيا، رودينا»، «يا ليۋبليۋ تەبيا، ماما». بىزدەگى اتالعان 4 سەزىمنىڭ ءبارى كوبىنەسە ەر مەن ايەل اراسىندا بولاتىن سەزىمدەر. سوندىقتان، جىگىت پەن قىز (ماحاببات جاستىققا ءتان سەزىم بولعاسىن، جىگىت پەن قىز دەپ الىپ وتىرمىز) اراسىنداعى سەزىمدەردىڭ ارا-جىگىن اجىراتىپ كورەيىك.
ۇناتۋ - العاش كورگەندە جىگىت قىزدى ۇناتۋى مۇمكىن. كەيبىر الىپ-ۇشپا سەزىم يەلەرى، ءبىر كورگەننەن ءسۇيدىم-كۇيدىم دەپ جاتادى. بۇل ماحاببات دەگەن ءسوز ەمەس. بۇل ماحابباتتىڭ العاشقى ساتىسى عانا.
عاشىق بولۋ - ءسىز ومىرىڭىزدە ءجۇز ادامعا عاشىق بولۋىڭىز مۇمكىن. ءبىراق، مۇنى ماحاببات دەپ شاتاستىرىپ الماڭىز. عاشىق بولۋ ۇناتۋدان جوعارىراق سەزىم بولعانىمەن بۇل، جاۋاپسىز ماحاببات سياقتى، ياعني ءبىرجاقتى ماحاببات.
جاقسى كورۋ - سەزىمدەردىڭ ەڭ اياۋلىسى دەر ەدىم. جاقسى كورۋ - جان ۇيلەسىمدىگى. ۇناتقان، عاشىق بولعان ادامىڭىزبەن سويلەسىپ، ءبىلىسىپ جان سارايىنا ءۇڭىلىپ، وزىڭىزبەن سايكەس كەلەتىنىن سەزىنۋ سەزىمى.
كەيدە جاقسى كورۋ سەزىمى سۇيۋدەن دە جوعارى تۇرادى. مۇندا ءتان ۇيلەسىمىنسىز جان ۇيلەسىمى سالتانات قۇرادى. اقىنداردىڭ مۋزاسىنا ولەڭ ارناتىپ، جىرعا قوستىراتىن كۇشتىڭ ارتىندا وسى جاقسى كورۋ سەزىمى تۇرادى.
ءسۇيۋ - جوعارىداعى سەزىمدەردىڭ سوڭعى ساتىسى. مۇندا ءتان، جان ۇيلەسىمدىگى ءبىر ارناعا توعىسادى. مىنە، ماحاببات دەگەنىمىز وسى بولار.
Massaget.kz