ەڭبەك جانە الەۋمەتتىك قورعاۋ ءمينيسترى مادينا ءابىلقاسىموۆ كوپ ادامنىڭ شەكتەۋلىك مەرزىم ىشىندە قاجەتتى قۇجاتتاردى راسىمدەپ ۇلگەرمەيتىنىن ايتتى.
رەسمي مالىمەتتەرگە سايكەس، ورالماندار ەلگە ورالعان سوڭ ءبىر جىلدان كەيىن قازاقستان ازاماتى بولا الادى. الايدا كوپ ورالمان ءبىر جىل ىشىندە قۇجات راسىمدەپ ۇلگەرمەيدى. سوندىقتان مينيسترلىك ءبىر جىلعا تاعى 3 اي ۋاقىت قوسپاق. ءمينيستردىڭ ايتۋىنشا، بۇل ۋاقىت جارتى جىلعا كەشىككەن ورالماندارعا قاتىستى. سونىمەن قاتار بيىلعى جىلى ورالمانداردىڭ ءبىر وتباسىنا عانا ەمەس، وتباسىنداعى ءاربىر ورالمانعا جاردەماقى تولەنبەك.
«بۇل ەرەجە ورالماندارعا عانا ەمەس، كوشىپ كەلگەندەرگە دە قاتىستى. زاڭدا وتباسى بار ادامدارعا جاردەماقى بەرىلۋى تۋرالى جازىلعان. الايدا وتباسى جوق ورالماندار مەن كوشىپ كەلگەندەر دە بار. بۇل كەلەڭسىزدىكتى جويۋ ءۇشىن ەرەجەنى قاراستىرىپ جاتىرمىز. وتباسى جوق ورالماندار مەملەكەتتىك قولداۋعا سۇيەنۋىنە بولادى» ، - دەيدى مادينا ءابىلقاسىموۆا.