شىمكەنت قالاسىنان 55 كيلومەتر قاشىقتىقتا ورنالاسقان شاتقالدا ورنالاسقان دەمالىس ورنىنا جاقىن كەلگەن قار بارىسى باقىلاۋ-وتكىزۋ بەكەتىنىڭ جولىن كەسىپ ءوتىپ، جارتاستى تاۋلارعا قاراي بەت العان. ادامدارعا سيرەك كەزدەسەتىن جانۋار باقىلاۋ كامەراسىنا ءتۇسىپ قالعان.
«قار بارىسىن ءبىرىنشى بولىپ كۇزەتشى نۇركەن جەڭىسوۆ كورگەن. ول ونى تەلەفونىنا ءتۇسىرىپ ۇلگەرىپتى»، - دەيدى «التىن ءدان» دەمالىس ايماعىنىڭ قاۋىپسىزدىك قىزمەتى باستىعىنىڭ ورىنباسارى نۇرماحان اسقاروۆ.
ايتا كەتەيىك، قار بارىسى وتە جىرتقىش بولعانمەن، ەشقاشان ءوز بەتىمەن ادامعا تيىسپەيدى. دەگەنمەن ول كەز-كەلگەن ءىرى اڭداردى جەڭە الادى. ول ءالى كۇنگە دەيىن سىرى اشىلماعان جۇمباق جىرتقىش. كوپتەگەن حالىق ونى كيەلى دەپ سانايدى، سوندىقتان ۇلكەن قۇرمەتپەن قارايدى.
سونداي-اق، بۇل جىرتقىش «جويىلۋ قاۋپى تۋعان» اڭداردىڭ ساناتىنان شىعارىلعان بولاتىن.