جۇمادا قازاقستاننىڭ باسىم بولىگىندە تۇراقسىز اۋا رايى ساقتالادى

تەك باتىس ايماقتاردا جاۋىن-شاشىنسىز اۋا رايى كۇتىلەدى. رەسپۋبليكانىڭ كەي جەرلەرىندە جەلدىڭ كۇشەيۋى، تۇمان، كوكتايعاق، وڭتۇستىكتە داۋىل، نايزاعاي جانە بۇرشاق بولۋى مۇمكىن.

جامبىل،  قىزىلوردا وبلىستارىنىڭ كەي جەرلەرىندە جەلدىڭ جىلدامدىعى15-20، كۇندىز ەكپىنى 23-28 م/س جەتەدى.

اقمولا، اقتوبە، پاۆلودار وبلىستارىنىڭ كەي جەرلەرىندە تۇمان، كوكتايعاق، جاياۋ بۇرقاسىن بولادى.

باتىس قازاقستان، الماتى وبلىستارىنىڭ كەي جەرلەرىندە جەلدىڭ جىلدامدىعى 15-20 م/س جەتەدى، كەي جەرلەرىندە تۇمان بولادى.

اتىراۋ، ماڭعىستاۋ، وڭتۇستىك قازاقستان، قوستاناي، سولتۇستىك قازاقستان وبلىستارىنىڭ كەي جەرلەرىندە كوكتايعاق، بۇرقاسىن بولىپ، جەل 15-20، ەكپىنى 23-28 م/س كۇشەيەدى.