«وقيعا 2018 -جىلعى 18 - ناۋرىزدا كەشكى ساعات 20:15 شاماسىندا سارىارقا اۋدانىنداعى كەنەسارى كوشەسىندە ورنالاسقان كوپقاباتتى ءۇيدىڭ بىرىندە بولعان. قوعامدىق ءتارتىپ پەن قاۋىپسىزدىكتى كۇزەتىپ جۇرگەن 5573 اسكەري ءبولىمىنىڭ جاساعى 44-ۇيدەگى «لوندون» مەيرامحاناسىنىڭ شاتىرىنان سەكىرگەلى تۇرعان ەر ازاماتتى بايقايدى. جاساق باستىعى نۇربولات مۇحيدەن ۇلى راتسيا ارقىلى پاترۋلدىك توپ باستىعىنا ءمان- جايدى بايانداپ، قاسىنداعى پاترۋلدەر ەلدار يسكاليەۆ جانە الىشەر ماناربەك ۇلىمەن بىرگە دەرەۋ شاتىرعا كوتەرىلەدى. تومەنگە جيىلعان جۇرت الگى ازاماتتى رايىنان قايتۋعا كوندىرىپ تۇرعاندا، ۇلاندار ارت جاعىنان اقىرىن جاقىنداپ بارادى. ولاردى بايقاپ قالعان ەر ادام سەكىرۋگە ۇمتىلعانمەن، پاترۋلدىك توپ باستىعى عازيز تۇرسىنبايەۆ ۇستاپ ۇلگەرەدى» ، - دەپ اتاپ وتكەن ۇلتتىق ۇلان باسپا ءسوز قىزمەتى.
كوڭىلدەسىنەن كوڭىلى قالعان استانالىق ومىرىمەن قوشتاسپاق بولدى تاراتىلعان مالىمەتكە قاراعاندا، ازامات سوندا دا ارەكەتىن اياقتاۋ ءۇشىن سىرت كيىمىن شەشۋگە وقتالادى. الايدا، ساربازدار شاپشاڭ قيمىلداپ، ونى قولتىعىنان سۇيرەپ كەرى تارتىپ الادى.
«شاتىرعا شىعارعاندا سول قولىنان قان بايقادىق، سەكىرمەس بۇرىن تامىرىن دا كەسپەك بولعانعا ۇقسايدى. ءارى ىشىمدىك ءىشىپ العان ەكەن» ، - دەيدى ساربازدىڭ ءبىرى. ۇلاندىقتار وقيعا ورنىنا جەدەل جاردەم شاقىرعان.
كۋاگەرلەردىڭ ايتۋىنشا، وقيعاعا دەيىن تۇرعىن ءۇي پاتەرلەرىنىڭ بىرىندە وسى ازامات پەن ونىڭ ناقسۇيەرى اراسىندا جانجال شىققان. الايدا، ايەل تاتۋلاسۋعا نيەت بىلدىرمەگەن. وسىدان كەيىن ول اشۋدىڭ ءارى ماستىقتىڭ كۇشىمەن ومىرىمەن قوشتاسپاق بولعان. دەگەنمەن، قىراعى ءارى ەپتى ساربازداردىڭ ارقاسىندا ول امان قالدى.