12 - مامىردا ەكى ەل تاراپىنىڭ اراسىندا كەزدەسۋ جوسپارلانعان، دەپ حابارلايدى cbsnews سايتى.
2015 -جىلى پرەزيدەنت باراك وباما باستاعان ا ق ش ۇكىمەتى جانە الەمدەگى الپاۋىت 6 مەملەكەت باسشىلارى يران يسلام رەسپۋبليكاسىمەن يادرولىق قارۋعا قاتىستى ورتاق شەشىمگە كەلگەن بولاتىن. سەناتور بوب كوركەر مەن بەن كاردەن - يرانعا قاتىستى وسى زاڭنىڭ اۆتورلارى. ياعني، 2015 -جىلى تەگەران ا ق ش جانە وزگە دە الىپ مەملەكەتتەرمەن يادرولىق قارۋدان باس تارتۋ تۋرالى كەلىسىمگە كەلگەن. ناتيجەسىندە ا ق ش كەيبىر ەكونوميكالىق سانكتسيالاردى جويىپ، يراننىڭ حالىقارالىق مۇناي ساۋداسىنا رۇقسات بەرگەن بولاتىن. ەندى دونالد ترامپ بۇل كەلىسىمنەن ۆاشينگتونعا ەش پايدا جوق ەكەنىن ايتىپ وتىر. باراك وباما جاساعان شەشىممەن ترامپ مۇلدەم كەلىسپەيدى.
بيىلعى جىلدىڭ قاڭتار ايىنان بەرى يران تاراپى ءاربىر 90 كۇن سايىن ۆاشينگتونعا وسى زاڭ ورىندالىپ جاتقانى تۋرالى اقپارات بەرىپ وتىر. 12 - مامىردا تەگەران مەن ۆاشينگتون كەزدەسىپ، وسى كيكىلجىڭگە نۇكتە قويۋى ءتيىس. ال ساراپشىلار ا ق ش تاراپىنىڭ اتالعان كەلىسىمدى بۇرىنعىداي قالدىرمايتىنىن، ياعني، جاڭا سانكسيالار ەنگىزەتىنىن بولجاپ وتىر.
Baq.kz