قىتايدا ەڭ بيىك شىنى كوپىر سالىندى

قىتايلار ەلدەگى جاياۋ جۇرگىنشىلەرگە ارنالعان ەڭ بيىك شىنى كوپىردى اشتى. ول تەڭىز دەڭگەيىنەن 1980 مەتر بيىكتىكتە بوي كوتەرگەن.

قىتاي ورتالىق تەليەۆيزياسىنىڭ اقپاراتى بويىنشا، كوپىردىڭ ۇزىندىعى - 198 مەتر، ال ەنى - 2,5 مەتر. تاڭعالارلىق قۇرىلىستىڭ جالپى قۇنى شامامەن 1,5 ميلليون دوللار.

كوپىر ەدەنى شىنى بولعاندىقتان، 186 مەتر بيىكتىكتەن اياق استىنداعىنىڭ بارلىعىن ەركىن تاماشالاۋعا بولادى. كوپىر بيىكتىگى 66 قاباتتى الىپ عيماراتقا تەڭ كەلەدى. كوپىردى سالعان ازاماتتاردىڭ ايتۋىنشا، ول ءبىرۋاقىتتا 2 مىڭعا جۋىق ادامدى كوتەرە الادى. الايدا، قاۋىپسىزدىك ماقساتىندا كوپىردە ءبىر ۋاقىتتا تەك 500 ادامنىڭ جۇرۋىنە رۇقسات ەتىلەدى.

Baq.kz