جيىنعا قازاقستاننىڭ تۇركياداعى ەلشىسى ابزال ساپاربەك ۇلى، سونداي-اق سايان شىلمامبەتوۆ، ەرمۇحامەت مارالبەك، دىنمۇحامەد قاسىمبەك، ەركىن قاليدوللا، دانا قاسقابايەۆا، دارحان ابىشيەۆ، ەربولات سارۋاروۆ سىندى حاجەتتەپە، گازي، انكارا، يىلدىرىم بايازيت ۋنيۆەرسيتەتتەرىنىڭ دوكتورانتتارى مەن ماگيسترانتتارى قاتىستى.
ەلشى ا. ساپاربەك ۇلى قازاقستاندىق ازاماتتاردى العىس ايتۋ كۇنىمەن قۇتتىقتادى. سونىمەن قاتار ەلباسى ن. ءا. نازاربايەۆتىڭ ەل حالقىنا ارناعان جولداۋىنىڭ نەگىزگى باعىتتارىن ءتۇسىندىرىپ، «بولاشاققا باعدار: رۋحاني جاڭعىرۋ» اتتى ماقالاسى جايلى ەگجەي-تەگجەيلى ايتىپ بەردى.
وسى ورايدا گازي ۋنيۆەرسيتەتىنىڭ ماگيسترانتى، ازەربايجاندىق احمات حاسانوۆ بەيبىتشىلىكتى ساقتاپ، ىنتىماقتى تۋ ەتكەن قازاق جۇرتىنا العىس ايتىپ، كۇللى قازاق ەلىن ايتۋلى مەرەكەمەن قۇتتىقتادى.
ءوز كەزەگىندە، جاس زەرتتەۋشى- عالىمدار «ب ۇ ۇ قاۋىپسىزدىك كەڭەسى جانە قازاقستاننىڭ حالىقارالىق قاۋىپسىزدىكتەگى ورنى»، «ب ۇ ۇ قۇرىلۋى جانە ونىڭ تاريحي ميسسياسى»، «قازاقستان مەن ب ۇ ۇ اراسىنداعى ىنتىماقتاستىق»، شاڭحاي ىنتىماقتاستىق ۇيىمى جانە قازاقستاننىڭ گەوساياسي اسپەكتىلەرى»، «ب ۇ ۇ شەڭبەرىندەگى لاڭكەستىككە قارسى كۇرەس قازاقستاننىڭ لاڭكەستىككە قارسى كۇرەستىڭ زاڭنامالىق شارالارى»، «تۇركى الەمى جانە قازاقستان»، «قازاقستان رەسپۋبليكاسىنىڭ دۇنيەجۇزىلىك ساقتاۋ ۇيىمىمەن ىنتىماقتاستىعى» سىندى تاقىرىپتار توڭىرەگىندە بايانداما جاسادى.
جيىن سوڭىندا ا. ساپاربەك ۇلى قازاق جاستارىن العىس حاتتارمەن ماراپاتتادى.