بۇل جاعدايدا «قازاقتەلەكوم» ا ق- نىڭ نارىقتاعى ۇلەسى 65 پايىزدى قۇرايدى. بۇل وپەراتوردىڭ ابونەنتتەرىنە قالاي اسەر ەتەتىنى كەلىسىمنىڭ قالاي جۇرگىزىلەتىنىنە بايلانىستى بولادى. «Beeline KZ كازاقستان» كومپانياسىنىڭ باس اتقارۋشى ديرەكتورى الەكساندر كوماروۆ Atameken Business Channel تەلەارناسىنا بەرگەن سۇحباتىندا وسى جاعدايدى ءتۇسىندىردى.
«قازاقستاننىڭ بايلانىس نارىعىنا جاڭا ويىنشى كەلىپ قوسىلادى. ول قاراجات تارتۋ ماسەلەلەرىن شەشىپ الۋى كەرەك، ويتكەنى كومپانيادا 100 ميلليارد تەڭگە عانا بار. بۇل كەلىسىم بويىنشا بولجانعان سومانىڭ جارتىسىن دا جابا المايدى. جەتپەگەن قارجىنى «قازاقتەلەكومنىڭ» نەگىزگى اكسيونەرى «سامۇرىق قازىنا» قورى بەرە الادى. ال بۇل ءبىرقاتار قازاقستاندىقتىڭ قىزىعۋشىلىعىنا قايشىلىق تۋدىرۋى مۇمكىن» ، - دەيدى Beeline KZ Kazakhstan-نىڭ باس اتقارۋشى ديرەكتورى.
«بۇل قاراجاتتى قايتارۋ ءۇشىن تۇتىنۋشى نارىعىنان باسقا ەشكىمنىڭ قاراجاتىن قولدانا المايدى. سوندىقتان تاريف باعاسىن كوتەرىپ، ۇيالى بايلانىس قولدانۋشىلارىنىڭ قالتاسىن جۇقارتۋدان باسقا امال جوق. وسى ورايدا قاراما- قايشىلىق تۋىندايدى: مەملەكەت ومىردە الەۋمەتتىك ماڭىزى بار ۇيالى بايلانىس نارىعىن قايتا قارجىلاندىرادى، ءبىراق بەلگىلى ءبىر دەڭگەيدە ۇيالى بايلانىس نارىعىنداعى تاريفتەردىڭ ءوسىمىن دە قارجىلاندىرادى. مەنىڭ ويىمشا، ەگەر مامىلەگە كەلەتىن بولسا، تەك قارىز الۋ ارقىلى عانا جۇزەگە اسادى. ال وسى جەردە تاعى دا كوپتەگەن سۇراق تۋىندايدى. ماسەلەن، مۇنىڭ كەرەگى بار ما؟ (.. .) » ، - دەدى ول.
ەگەر «قازاقتەلەكوم» Kcell وپەراتورىنىڭ 75 پايىزىن ساتىپ الاتىن بولسا، باسەكەلەستىك از بولادى، ال نارىقتاعى جاعداي قالاي بولاتىنىن تەك «قازاقتەلەكوم» مەن «Beeline KZ Kazakhstan» عانا شەشەتىن بولادى.
Baq.kz