بۇل افريكادان اۋعان Homo Sapiens كوشىنىڭ باستالۋ ۋاقىتى ءبىز بىلگەننەن تاعى 100 مىڭ جىل بۇرىن باستالعانىن دالەلدەيدى. سونداي- اق كوشتىڭ جولى وڭتۇستىك باعدار بويىنشا ەمەس، سولتۇستىك باعدار بويىنشا جۇرگەنىن كورەستەدى. ياعني ادامدار ءنىل وزەنىنىڭ بويىمەن جەرورتا تەڭىزىنىڭ شىعىس جاعالاۋىنا كەلگەنىن ايقىندايدى.
عالىمداردىڭ ايتۋىنشا، ول ءداۋىردىڭ ادامدارى كوشپەلى ءومىر سالتىن ۇستانعان. ولار وزدەرى اۋلاپ جەيتىن اڭ- قۇستىڭ ىزىمەن ءجۇرىپ كەلگەن.
مينا ۆاينشتەين ەۆرون، حايفا ۋنيۆەرسيتەتىنىڭ ارحەولوگى:
- جاق سۇيەگى جاتقان جەردەن شاقپاق تاستان جاسالعان قۇرالدار مەن جانۋارلاردىڭ قالدىقتارىن تاپتىق. ولار قاراقۇيرىق، بۇعى جانە جابايى بۇقالارعا ءتان. ادامدار ازىعىن نايزا سىندى لاقتىراتىن قارۋلاردىڭ كومەگىمەن اۋلاعان. ۇشكىر تاستار اعاشقا بايلانعان. Homo sapiens ءۇشىن بۇل كەرەمەت قارۋ بولعان.
يسراەل گەرشكوۆيتس، قازبا جۇمىستارىنىڭ جەتەكشىسى:
- تابىلعان ۇلگىلەر ادامزات دامۋىنىڭ ەۆاليۋتسياسىنا جاڭالىقتار اكەلۋى مۇمكىن. بۇعان دەيىن ءبىز «ەڭ العاشقى ادامدار افريكادا 200-250 مىڭ جىل بۇرىن پايدا بولدى، 100 مىڭ جىل بۇرىن باسقا ايماقتارعا كوشتى» دەگەنگە سەنىپ كەلدىك. ەندى ولاردىڭ ودان دا ەرتەرەكتە بولعانىن اڭعارىپ وتىرمىز.
www.24.kz