سولاردىڭ ءبىرى جاڭاقورعاندىق نۇرعالي اقىلبەكوۆ باكتەريالارعا قارسى 10 ەسە بيولوگيالىق بەلسەندىلىك كورسەتەتىن پرەپارات ويلاپ تاپتى. بۇل تۋرالى قازاقپارات ءتىلشىسى حابارلادى.
ونىڭ بۇل ونەرتابىسى رەسەيدە پاتەنتتەلىپ، حالىقارالىق دارەجەدە مويىندالىپ وتىر. قورقىت اتا اتىنداعى قىزىلوردا مەملەكەتتىك ۋنيۆەرسيتەتىنىڭ تۇلەگى بۇگىندە تاتارستانداعى قازان ۇلتتىق زەرتتەۋ تەحنولوگيالىق ۋنيۆەرسيتەتىنىڭ اسپيرانتى رەتىندە عىلىمي ىزدەنىستە. زاماناۋي فيزيكالىق-حيميالىق تالداۋ قوندىرعىلارىن ەركىن مەڭگەرگەن نۇرعالي اقىلبەكوۆ از ۋاقىتتىڭ ىشىندە عىلىمعا زور ۇلەس قوسا ءبىلدى. ول بۇعان دەيىن ارال ءوڭىرىنىڭ مۇنايمەن لاستانعان توپىراعىن بيوپرەپاراتتار ارقىلى تازارتۋ تەحنولوگياسىن ازىرلەگەن بولاتىن.
ايتا كەتەيىك، نۇرعالي 2017-جىلدىڭ جەلتوقسان ايىندا مەملەكەتتىك «دارىن» جاستار سىيلىعىنىڭ لاۋرەاتى اتاندى.