قاتتى ايازعا بايلانىستى قازاقستاننىڭ ءبىرقاتار وڭىرىندە ساباقتار وتكىزىلمەيدى

استانادا 26- قاڭتاردا اۋا رايىنىڭ قولايسىزدىعىنا بايلانىستى (قاتتى اياز) قالا مەكتەپتەرىنىڭ ءبىرىنشى جانە ەكىنشى اۋىسىمىنداعى 0-11 (12) سىنىپ وقۋشىلارىنا جانە كوللەدجدەردىڭ 1-2 كۋرس ستۋدەنتتەرى ءۇشىن ساباق بولمايدى.

الماتىدا 26- قاڭتاردا تەمپەراتۋرانىڭ -25 گرادۋسقا تومەندەۋىنە بايلانىستى مەكتەپتەردە 1-9- سىنىپتارعا ساباق بولمايدى.

اقمولا وبلىسىندا 26- قاڭتار كۇنى 33-38 گرادۋس سۋىق بولادى. مەكتەپتە 0-11- سىنىپ وقۋشىلارى مەن كوللەدجدەردىڭ 1-2- كۋرس ستۋدەنتتەرى ءۇشىن ساباق توقتاتىلدى.

سولتۇستىك قازاقستان وبلىسىندا 26- قاڭتاردا 30-35- گرادۋس ايازعا بايلانىستى 0 دەن 4- سىنىپ ارالىعىندا ساباقتار وتكىزىلمەيتىن بولدى.

الماتى وبلىسىندا 0 دەن 4- سىنىپ وقۋشىلارىنىڭ ساباقتارى توقتاتىلدى.

جامبىل وبلىسى ءبىلىم باسقارماسىنىڭ مالىمەتىنشە، اۋا رايىنىڭ قولايسىزدىعىنا بايلانىستى تاراز قالاسىندا 1-4- سىنىپ وقۋشىلارى وقىمايدى. سونداي- اق، مويىنقۇم مەن سارىسۋ اۋداندارىندا عانا باستاۋىش سىنىپ وقۋشىلارى ءۇشىن ساباق بولمايتىنى حابارلاندى.

شىعىس قازاقستان پەن پاۆلودار وبلىستارىندا ءبىرىنشى جانە ەكىنشى اۋىسىمداعى 1-11- سىنىپ وقۋشىلارىنا، سونداي-اق 1-2- كۋرس كولەدج ستۋدەنتتەرىنە ساباق بولمايدى.