استاناعا وسكار سىيلىعىنىڭ يەگەرلەرى كەلەدى

ول - الەمگە كەڭىنەن تانىلعان بريتاندىق MTV. فەستيۆال ت م د اۋماعىندا العاش رەت ۇيىمداستىرىلادى، دەپ حابارلايدى قازاقپارات ءتىلشىسى.
«18 -تامىزدا MTV فەستيۆالى وتەدى. اتالعان شارا ەكسپو كورمەسىنىڭ امفيتەاترىندا ۇيىمداستىرىلادى. كۇنى كەشە ءبىز ارنايى كەڭەس وتكىزدىك. ايتا كەتكەن ءجون، بۇل رەسەيلىك MTV ەمەس،  ۇلى بريتانيانىڭ MTV فەستيۆالى بولادى. بىلايشا ايتقاندا، MTV الەمدىك برەندى ت م د ايماعىنا العاش رەت كەلەدى. ارتىستەردىڭ ءبارى تانىمال. ىشىندە گرەممي، ءتىپتى وسكار سىيلىعىن العاندار دا بار»، - دەدى وماروۆ جۋرناليستەرگە بەرگەن سۇحباتىندا.

دەپارتامەنت باسشىسىنىڭ ايتۋىنشا، MTV فەستيۆالىن حالىق اراسىندا كەڭىنەن ناسيحاتتاۋ جۇمىسى ءبىر اي بۇرىن باستالادى. سول كەزدە شاراعا كەلەتىن ءاربىر ءارتىستىڭ ەسىمى ءبىر-بىرلەپ جاريالانادى.

ەسكە سالا كەتسەك، ەكسپونىڭ امفيتەاترىندا وتەتىن شارالار ءۇشىن بولەك بيلەت الۋدىڭ قاجەتى جوق. كورمەنىڭ وزىنە بيلەت بولسا بولعانى.

اۆتور: ارمان اسقاروۆ