سالتاناتتى جيىن اياسىندا ق ر اقپارات جانە كوممۋنيكاتسيالار ءمينيسترى داۋرەن ابايەۆ قۇتتىقتاۋ ءسوز سويلەپ، اقپارات سالاسىنىڭ ۇزدىكتەرىن ماراپاتتادى.
«كۇنى كەشە اقپارات تۋرالى زاڭنامانى تالقىلاعاندا ماعان جۋرناليستەردىڭ مارتەبەسىنە قاتىستى كوپ سۇراقتار قويىلدى. اقپارات سالاسىندا جۇرگەن مامانداردىڭ مارتەبەسىن كوتەرۋدىڭ ماڭىزدىلىعى جايىندا ايتىلدى. بۇگىنگى «ۇركەر» سىيلىعى دا جۋرناليستەردىڭ مارتەبەسىن كوتەرۋگە ءوز ۇلەسىن قوسا الادى دەپ سەنەمىن. وسى پرەميا ومىرشەڭ ءارى اشىق بولسىن! بولاشاعى زور بولسىن!»، - دەدى ابايەۆ ءوزىنىڭ قۇتتىقتاۋ سوزىندە.
ەڭ الدىمەن «ۇزدىك فوتوسۋرەت» اتالىمىنىڭ جەڭىمپازىن جاريالاۋ ءۇشىن ساحناعا «قازكونتەنت» ا ق باسقارما ءتوراعاسى ەۆگەني كوچەتوۆ پەن كاسىپكەر، فيلانتروپ ورالبەك بوتباي شاقىرىلدى.
قازىلار القاسىنىڭ شەشىمىمەن، باسپا، راديو جانە ينتەرنەت جۋرناليستيكاسى سالاسى بويىنشا ەل تاريحىنداعى تۇڭعىش سىيلىقتىڭ العاشقى ماراپاتى «ەگەمەن قازاقستان» گازەتىنىڭ فوتوتىلشىسى ەرلان وماروۆقا بەرىلدى.
«ۇزدىك اناليتيكالىق ماتەريال» اتالىمى بويىنشا ۇركەر سىيلىعىن «بول چۋجۋيۋ پرينيات كاك سۆويۋ» اتتى ساراپتاماسى ءۇشىن «كازاحستانسكايا پراۆدا» گازەتىنىڭ ءتىلشىسى ۆالەنتينا فيرونوۆا جەڭىپ الدى. جۇلدەنى تانىمال پۋبليتسيست نامازالى وماشەۆ تابىستادى.
«ۇزدىك رەپورتاج» اتالىمى بويىنشا «ۇركەر-2017» سىيلىعىمەن National Digital History پورتالىنىڭ ءتىلشىسى ولجاس بەركىنبايەۆ ماراپاتتالدى. ول «باركولدەگى قازاق مۋزەيى نەمەسە قۇماي قۇستىڭ كۇرتەسى» اتتى رەپورتاج جاريالاعان ەدى. سىيلىقتى «باس رەداكتورلار كلۋبى» ق ق ءتوراعاسى ەرلان بەكحوجين تابىس ەتتى.
«ۇزدىك راديو باعدارلاما» اتالىمىنىڭ جەڭىمپازىن قوعام قايراتكەرى، ق ر پارلامەنتى ءماجىلىسىنىڭ VI شاقىرىلىم دەپۋتاتى ارتۋر پلاتونوۆ جاريالادى. اتالعان نوميناتسيا بويىنشا شالقار راديوسىنىڭ «ءان دومبىرا» باعدارلاماسى ۇزدىك دەپ تانىلدى. «ۇزدىك وڭىرلىك راديو ستانسا» اتالىمى بويىنشا «استانا» اقپاراتتىق-مۋزىكالىق راديوسىن ق ر پرەزيدەنتىنىڭ باسپا ءسوز حاتشىسى ايدوس ۇكىبايەۆ ماراپاتتادى.
«ۇزدىك سالالىق باسپا ءسوز باسىلىمى» اتالىمىندا «درۋجنىە رەبياتا» گازەتى جەڭىمپاز اتاندى. جۇلدەنى ق ر پارلامەنتى سەناتىنىڭ كەڭەسشىسى بيبىگۇل جەكسەنباي تابىستادى. «ۇزدىك جىل جۋرنالى» جۇلدەسىن «National Geografic قازاقستان» جۋرنالىنا ق ر پارلامەنتى ءماجىلىسىنىڭ دەپۋتاتى قۋانىش سۇلتان ۇلى تابىس ەتتى.
«جۋرناليستيكاداعى دەبيۋت» اتالىمى بويىنشا 1 ميلليون تەڭگەنى 7kun.kz سايتىنىڭ ءتىلشىسى ءمولدىر يمانمادي جەڭىپ الدى. ايتۋلى سىيلىقتى ول ق ر پارلامەنتى ءماجىلىسىنىڭ VI شاقىرىلىم دەپۋتاتى مايرا ايسينانىڭ قولىنان الدى.
«ۇزدىك جۋرناليستىك زەرتتەۋ» اتالىمى بويىنشا جۇلدە «ەگەمەن قازاقستان» گازەتى باسقارما ءتوراعاسىنىڭ كەڭەسشىسى جانبولات اۋپبايەۆقا بەرىلدى. ونى ق ر پارلامەنتى ءماجىلىسىنىڭ VI شاقىرىلىم دەپۋتاتى ساۋىتبەك ابدراحمانوۆ ماراپاتتادى.
«ۇزدىك سۇحبات» اتالىمى بويىنشا 1 ميلليون تەڭگە «كاپيتال» ءتىلشىسى ۆيكتوريا گوۆوركوۆاعا بەرىلدى. سىيلىقتى ل. ن. گۋميليەۆ اتىنداعى ە ۇ ۋ جۋرناليستيكا فاكۋلتەتىنىڭ دەكانى قايرات ساق تابىس ەتتى.
«ۇزدىك ايماقتىق باسپا ءسوز باسىلىمى» اتالىمى بويىنشا وڭتۇستىك قازاقستان وبلىسىندا شىعارىلاتىن «رەيتينگ» گازەتى جەڭىمپاز اتاندى. جۇلدەنى كاسىپكەر ارمانجان بايتاسوۆ تابىستادى.
«قازاقستان تۋرالى ۇزدىك تانىمدىق ماتەريال» اتالىمىنىڭ دا جۇلدەسى «ەگەمەن قازاقستان» گازەتىنىڭ قانجىعاسىنا بايلاندى. حابار تەلەارناسىنىڭ باسقارما ءتوراعاسى الماگۇل احمەتجانوۆا «ەگەمەن قازاقستان» گازەتىنىڭ ءتىلشىسى دۋمان اناشتى ماراپاتتادى. «ۇزدىك حالىقارالىق اناليتيكالىق ماتەريال» اتالىمى بويىنشا ۇركەر سىيلىعىن «افگانيستان بليزكو» ماقالاسى ءۇشىن vlast.kz پورتالىنىڭ ءتىلشىسى زارينا احماتوۆا جەڭىپ الدى.
جەڭىمپاز مۇسىنشەسىن قازاقستان ر ت ر ك ا ق ءتوراعاسى ەرلان قارين تابىستادى. «قازنەتتەگى مەدياسەرپىلىس» اتالىمى بويىنشا «Massaget.kz» پورتالى ۇزدىك دەپ تانىلدى. سونداي-اق، Informburo.kz پورتالىنا «سامۇرىق-قازىنا» اكسيونەرلىك قوعامىنىڭ ارنايى سىيلىعى بەرىلدى.
سوڭعى «ۇزدىك رەسپۋبليكالىق باسپا ءسوز باسىلىمى» اتالىمىنىڭ جۇلدەسىن «ايقىن» گازەتى يەلەندى. سىيلىقتى ق ر پرەزيدەنتى جانىنداعى «قوعامدىق كەلىسىم» ر م م ديرەكتورى الەكساندر تاراكوۆ «ايقىن» گازەتىنىڭ باس رەداكتورى نۇرتورە جۇسىپكە تابىس ەتتى.
ەسكە سالا كەتسەك، مامىر ايىنىڭ باسىندا ق ر اقپارات جانە كوممۋنيكاتسيالار ءمينيسترى داۋرەن ابايەۆ جۋرناليستەردى باسپا، راديو جانە ينتەرنەت جۋرناليستيكا سالاسىنداعى تۇڭعىش «ۇركەر» ۇلتتىق سىيلىعىنا قاتىسۋعا شاقىرعان ەدى. بايقاۋعا قاتىسۋ تۋرالى وتىنىشتەر 7- مامىر مەن 10- ماۋسىم ارالىعىندا urker@el.kz ەلەكتروندىق پوشتاسى ارقىلى قابىلداندى.
بايقاۋعا كەلىپ تۇسكەن 700 دەن استام ماتەريالدى بەدەلدى جۋرناليست نامازالى وماشەۆ، مەملەكەتتىك جانە قوعام قايراتكەرى مىرزاتاي جولداسبەكوۆ، ل. ن. گۋميليەۆ اتىنداعى ە ۇ ۋ جۋرناليستيكا جانە ساياساتتانۋ فاكۋلتەتىنىڭ دەكانى قايرات ساق، «قازاقستان-2050» جالپى ۇلتتىق قوزعالىسى كەڭەسىنىڭ ءتوراعاسى مۇحتار مانكەيەۆ، «نۇروتان» پارتياسىنىڭ ساياسي تالداۋ جانە ستراتەگيالىق زەرتتەۋلەر ورتالىعىنىڭ ديرەكتورى يۋليا كۋچينسكايا، «قوعامدىق كەلىسىم» ر م م ديرەكتورى الەكساندر تاراكوۆ، وڭىرلىك ب ا ق اليانسىنىڭ جەتەكشىسى الىبەك الدەنەي، ساياساتتانۋشى راسۋل جۇمالى، قوعام قايراتكەرى مۇرات ابەنوۆ، «اتامەكەن» ق ر ۇ ك پ اگروبىلىكتىلىك ورتالىعى «farmers.kz» پورتالىنىڭ جەتەكشىسى مەيرامحان جاپەك، ادەبي سىنشى امانگەلدى مىرزابەكوۆ جانە «ايتۋعا وڭاي» حابارىنىڭ جۇرگىزۋشىسى بەيسەن قۇرانبەك سىندى بەلگىلى قوعام قايراتكەرلەرى، زيالى قاۋىم وكىلدەرى مەن كاسىبي جۋرناليستەردەن قۇرالعان قازىلار القاسى ساراپقا سالدى.
بايقاۋ جەڭىمپازدارىنا ەستەلىك مۇسىنشە مەن 1 ميلليون تەڭگە كولەمىندە سىياقى بەرىلدى.