دەپ حابارلايدى «قازاقپارات» ح ا ا ءتىلشىسى.
«ەكسپو-2017» حالىقارالىق مامانداندىرىلعان كورمەسىنىڭ امفيتەاترىندا ءوتىپ جاتقان شاراعا اقمولا وبلىسىنىڭ اكىمى مالىك مىرزالين، «استانا ەكسپو-2017» ۇ ق» ا ق- ى باسقارماسىنىڭ ءتوراعاسى احمەتجان ەسىموۆ جانە ق ر مادەنيەت جانە سپورت ءمينيسترى ارىستانبەك مۇحامەدي ۇلى قاتىستى.
گالا- كونسەرتتە حالىق اسپاپتارى وركەسترى ي. شتراۋستىڭ «مارش رادەتسكوگو» ، ساكسوفونيستەر كۆارتەتى ا. پياتستسوللانىڭ «ليبەرتانتو» كومپوزيتسياسىن ورىنداسا، بىرلەسكەن شىعارماشىلىق ۇجىمدار «حالىقتار دوستىعى» حورەوگرافيالىق ءبيىن كورسەتتى.
جالپى، اقمولا وبلىسىنىڭ مادەنيەت كۇندەرى اياسىندا كوكشە جەرىنەن كەلگەن 1500-دەن استام ارتىستەر استانالىقتارعا ءوز ونەرلەرىن ۇسىناتىن بولادى.
ەسكە سالا كەتەيىك، اقمولا وبلىسى مادەنيەت كۇندەرىنىڭ سالتاناتتى اشىلۋى 21 - ماۋسىمدا كەشكى ساعات 19.00-دە استانا قالالىق اكىمدىگى الدىنداعى الاڭدا وتەدى.
سونداي- اق، 23 - ماۋسىم كۇنى ساعات 11.00-17.00 ارالىعىندا «2017.EXPO.AKMOLA» ادەبي ساياباعىندا وتەتىن («وتان قورعاۋشىلار» مونۋمەنتى الدىنداعى «پارۋس» ساحناسى) «اقمولا جۇلدىزدارى» گالا- كونسەرتى، سۋرەتشىلەر مەن قولونەر شەبەرلەرىنىڭ كورمەسى دە ءوز مازمۇندىلىعىمەن ەرەكشەلەنەتىندىگى ايدان انىق.
22-25 - ماۋسىم كۇندەرى ەتنواۋىلداعى ساعات 11.00-دەن 20.00-گە دەيىن دۋمانى ءبىر تىنبايتىن تەاترلاندىرىلعان مادەني كوپشىلىك ءىس- شارالاردا كوكشەتاۋ قالاسىنىڭ، بۋراباي، شورتاندى جانە قورعالجىن اۋداندارىنىڭ كوركەمسۋرەت شەبەرحانالارىنىڭ ماماندارى شەبەرلىك كلاستارىن وتكىزسە، «قازانات» يپپودرومىندا «بلەك» سەرىكتەستىگى ءوزىنىڭ ۇلتتىق ناقىشتاعى قازاقى بۇيىمدارىن ۇسىنادى. وسى يپپودرومدا 22 - ماۋسىمدا كۇنى بويى وتەتىن وبلىستىق شىعارماشىلىق ۇجىمدارىنىڭ «دالا سىرى» اتتى كونسەرتى دە تىڭدارمان قاۋىمدى بەيجاي قالدىرماسى انىق.
«ەكسپو-2017» كورمەسىنە ارنالعان مادەنيەت كۇندەرىنە وبلىسىمىزداعى قوس تەاتر دا ءبىرقاتار تانىمال قويىلىمدارىمەن بارا جاتىر. اتاپ ايتقاندا، شاحمەت قۇسايىنوۆ اتىنداعى اقمولا وبلىستىق قازاق مۋزىكالىق- دراما تەاترى 23 - ماۋسىم كۇنى كەشكى ساعات 19.00-دە استانانىڭ تالعامپاز ونەرسۇيەر قاۋىمىنا بەلگىلى دراماتۋرگ، جەرلەسىمىز ش. قۇسايىنوۆتىڭ «انامنىڭ اق كويلەگى» دراماسىن ۇسىنسا، 24 - ماۋسىمدا كەشكى ساعات 18.00-دە ەتنواۋىلداعى امفيتەاتردا «كوكشە اۋەندەرى» كونسەرتتىك باعدارلاماسىمەن ەكىنشى قايتارا كيەلى ساحناعا شىعادى.
ال، وبلىستىق ورىس دراما تەاترىنىڭ رەپەرتۋارىنان 23 - ماۋسىمدا كەشكىلىك م. گوركي اتىنداعى ورىس دراما تەاترىندا كورسەتىلەتىن زامانىمىزدىڭ زاڭعار جازۋشىسى مۇحتار اۋەزوۆتىڭ «قاراكوز» تراگەدياسى جانە ءدال سول كۇنى كۇندىزگى ساعات 12.00-دە ەتنواۋىلداعى امفيتەاتردا مۇحتار شاحانوۆتىڭ پوۆەسى بويىنشا قويىلاتىن «شىڭعىسحان» روك- وپەراسىن اتاپ وتۋگە بولادى.
اۆتور: اسلان وسپانوۆ