22 جاستاعى اينۇر جەكەي ەكولوگيا ماماندىعى بويىنشا باكالاۆردى اياقتاپ، نازاربايەۆ ۋنيۆەرسيتەتىندە ماگيستراتۋرادا وقىعان، دەپ حابارلايدى «ازاتتىق».
التىننۇر دا نازاربايەۆ ۋنيۆەرسيتەتىن 2017-جىلى حيميا ينجەنەر ماماندىعى بويىنشا ءبىلىم العان.
ولار 1995-جىلى موڭعوليادا تۇرعان. كەيىننەن امەريكاعا كوشىپ كەتەدى. استاناعا 2014-جىلى كەلگەن. قازاق قىزدار قازاق تىلىنەن بولەك اعىلشىن، مونعول، تۇرىك، ورىس تىلدەرىن مەڭگەرگەن. ولار ا ق ش- تا 8 جىل تۇرعان.
«ءبىز ەڭ العاش قازاقستانعا كەلگەندە قازاقشا سۇراعىمىزعا ورىسشا جاۋاپ بەردى. ءبىز نەگە قازاقستاندا قازاق تىلىندە سويلەمەيدى دەپ تاڭعالدىق. ءبىزدى اۋىلدان كەلگەندەر دەپ مەنسىنبەي قارادى. ءبىراق ءبىز امەريكادان كەلگەن ەدىك»، - دەيدى اينۇر جەكەي.
«بىزگە اتا-انالارىمىز «ورالمان» دەگەن ءسوزدى وتانىنا ورالعاندارعا بايلانىستى ايتاتىندىقتان ەڭ كەرەمەت ءسوز دەپ تۇسىندىرگەن ەدى. ءبىراق قازاقستاندا ورالمانداردى جاقتىرماي قارايتىنىن ءتۇسىندىم. ءبىراق مەن ءالى دە ءوزىمنىڭ ورالمان ەكەنىمدى، قازاق ەكەنىمدى ايتىپ ماقتانا الام»، - دەيدى التىننۇر جەكەي.
قازاق قىزدار شەتەلدىڭ ادامدارى مەن قازاقتاردىڭ مىنەزىن سالىستىرىپ ءوتتى.
«امەريكالىقتار مىنەزى اشىق ادامدار. ولار ەشكىمنەن ۇيالمايدى. ويىن اشىق جەتكىزەدى. قازاقتاردا «ەل نە ويلايدى؟ » دەگەن تۇسىنىك بار. ءبىراق ونى كەمشىلىك دەپ قارامايمىن. ول ەكى ەلدىڭ ءوز مەنتاليتەتى شىعار»، - دەيدى اينۇر.
ەكى قازاق قىزى دا ءوز ماماندىقتارى بويىنشا شەتەلدە جۇمىس ىستەپ، ءبىلىمىن شىڭداپ كورگىسى كەلەدى. سودان كەيىن قازاقستانعا قايتىپ كەلەمىز دەگەن ويدا.