ول وندا موڭعول حالىق رەسپۋبليكاسىنىڭ اياعىنان نىق تۇرعان مەملەكەتتىك رەتىندە قالىپتاسۋىنا زور ەڭبەك ءسىڭىردى. رىسقۇلوۆتىڭ تۇسىندا موڭعوليا ەلىنىڭ كونستيتۋتسياسى وڭدەلدى. ياعني مەملەكەتتىڭ ەڭ باستى زاڭى قازاق بالاسىنىڭ ىقپالىمەن ازىرلەندى. ونىڭ ⅩⅩ عاسىردىڭ باسىندا موڭعوليا ەلىنىڭ ۇلتتىق اقشاسىن بەلگىلەۋ جونىندەگى قىزمەتىنىڭ ءوزى ءبىر توبە.
سونداي-اق، الەۋمەتتىك- ەكونوميكالىق باعدارلاما دايىندالىپ، ەل ەكونوميكاسى، حال-احۋالى، جەرگە قاتىستى ماسەلەلەردىڭ سۇراقتارى شەشىلدى. تاعى دا قىزىقتى فاكت. موڭعوليا استاناسىنىڭ اتىن وزگەرتۋ تۋرالى ۇسىنىس جاساعان دا رىسقۇلوۆ ەدى.
تاريحتا شاھاردىڭ اتاۋلارى ورگو، حۇرە جانە سوڭعىسى نييسلەل حۇرە دەپ اتالعان. ەۋروپا ەلدەرى ۋرگا دەپ اتاپ ءجۇردى. اتاۋىن وزگەرتۋگە موڭعول حالقى ارالاسىپ، شىڭعىسحاندى مەڭزەپ، قالانى «باتىر حوتو»، ياعني «باتىردىڭ قالاسى» دەپ اتاماق بولادى.
الايدا، تۇرار رىسقۇلوۆ ءوز دەگەنىنەن قايتپاي، «باتىر» دەگەن سوزگە «ۇلان» ءسوزىن جالعاپ، «ۇلانباتىر» دەگەن اتاۋدى ءجون كورەدى.
ۇلاانبااتار ءسوزىنىڭ قازاقشا ماعاناسى - «قىزىل باتىر». وسىلايشا، الەم كارتاسىندا «ۇلانباتىر» دەگەن قالا اتاۋى پايدا بولادى.