«سوڭعى جارتى جىلدىڭ ىشىندە ءبىز ءبىراز باستامانى باستاپپىز. وسى ورايدا حالىق تاراپىنان سۇراق تۋىنداۋى مۇمكىن. ول باستامالاردىڭ ناتيجەسى قاشان بولادى؟ ولار نەمەن بىتەدى؟ مەنىڭ ايتارىم، جوق، ءبىزدىڭ باستامالارىمىز اياقسىز قالمايدى. جارتى جىلدىڭ ىشىندە ءبىز 40 تان استام جوبانى قولعا الدىق. ارينە، ودان دا كوپ بولۋى مۇمكىن. ءبىراق بىزگە وتە قاتتى كەدەرگى جاساپ وتىرعان ءبىر ماسەلە بار. ول مىناۋ كۇندەلىكتى جۇمىس، سول بيۋروكراتيامەن، قاعازباستى شارۋامەن، جالپى ادامعا دا، مەملەكەتكە دە تۇك قاجەتى جوق جۇمىسپەن ءبىز قازىر كۇرەسىپ جاتىرمىز. سوندىقتان ناتيجە بولادى»، - دەدى ج. اسانوۆ كاسىبي مەملەكەتتىك اپپاراتتى قالىپتاستىرۋ ماسەلەلەرىنە ارنالعان جيىندا.
ونىڭ ايتۋىنشا، بۇگىندە باس پروكۋراتۋرانىڭ باستاماسىمەن قولعا الىنعان ءاربىر جوباعا بەلگىلى ءبىر مامان جاۋاپ بەرەدى. سونداي-اق ءار باستاما بويىنشا جوسپار بار. ج. اسانوۆ اتقارىلىپ جاتقان شارالاردىڭ ناتيجەسىن ۇنەمى جاريالاپ وتىرۋعا ۋادە بەردى.
اۆتور: ارمان اسقاروۆ