بۇل تۋرالى قالالىق ءى ءى د اكىمشىلىك پوليتسيا باسقارماسىنىڭ باسشىسى نۇرلان الماسبەكوۆ بريفينگتە حابارلادى.
«سوڭعى ۋاقىتتا توي كورتەجدەرى جۇرگىزۋشىلەرىنىڭ جول ەرەجەسىن بۇزۋى كەڭ ەتەك الىپ بارادى. وسىعان قاتىستى بارلىق اقپاراتتى مۇقيات قاراپ شىقتىق، بىردە-ءبىر قۇقىق بۇزۋشى جاۋاپكەرشىلىكتەن سىتىلىپ كەتە المايدى، بارلىق شارا قولدانىستاعى زاڭناما اياسىندا جاسالدى. بۇگىن عانا شىعىس اينالما جولىنداعى جول قوزعالىسىنا كەدەرگى كەلتىرگەن ەكى جاياۋ جۇرگىنشى جاۋاپكەرشىلىككە تارتىلدى. قۇقىق بۇزۋشىلىق 31- تامىز كۇنى ورىن العان»، - دەدى ن. الماسبەكوۆ.
ول جاۋاپكەرشىلىككە تارتىلعان ەر ادامنىڭ ەكىنشى رەت قۇقىق بۇزعانىن اتاپ ءوتتى.
«30 مىڭ تەڭگە كولەمىندە ايىپپۇل سالىندى. جاس جۇبايلاردىڭ سوڭىنان ەرگەن بارلىق بەس جۇرگىزۋشى دە كولىك قۇرالدارىنىڭ قوزعالۋىنا كەدەرگى كەلتىرگەنى ءۇشىن جاۋاپكەرشىلىككە تارتىلادى»، - دەدى ول.