ءتۇرلى مالىمەتتەر بويىنشا، ولار 6-8 ادامدى كەپىلگە العان.
ارمەنيا پرەزيدەنتى سەرج سارگسيان رەجيمىن كۇشتەپ تايدىرۋعا ۇندەيتىن «قۇرىلتايشى پارلامەنت» جانە «جاڭا ارمەنيا» راديكالدى قوزعالىسى جاقتاۋشىلارىنان قۇرالعان قارۋلى 25 ادام پوليتسيا بولىمشەسىنىڭ قاقپاسىن بۇزىپ كىرگەن.
قۇقىق قورعاۋشىلاردىڭ اقپاراتىنا سايكەس، ولاردىڭ قولىندا 6-8 ادام بار.
ارمەنيانىڭ ۇلتتىق قاۋىپسىزدىك قىزمەتىنىڭ تاراتقان حابارلامالارى بويىنشا، راديكالدى توپ ەرەۆاننىڭ ۇكىمەتتىك جانە اكىمشىلىك عيماراتتارىن باسىپ العاندارى تۋرالى اقپاراتتى الەۋمەتتىك جەلىلەر ارقىلى تاراتۋدا. الايدا، ارمەنيانىڭ ۇ ق ق حابارلاۋىنشا، بۇل اقپارات شىندىققا جاناسپايدى، بارلىق ۇكىمەتتىك مەكەمەلەر قالىپتى رەجيمدە جۇمىستارىن جالعاستىرۋدا.
وقيعا ورنىنا ارنايى جاساق كەلىپ جەتتى، سونداي-اق ارنايى تەحنيكا دا جەتكىزىلگەن.
الدىن الا مالىمەتتەر بويىنشا، قارۋلى توپتىڭ باستى تالاپتارىنىڭ ءبىرى - 2016-جىلى 23- ماۋسىمدا ەرەۆان تەلەمۇناراسىنا قارۋلى شابۋىل جاساماق بولدى دەگەن ايىپپەن 2 ايعا قامالعان «قۇرىلتايشى پارلامەنت» جانە «جاڭا ارمەنيا» راديكالدى قوزعالىسىنىڭ كوشباسشىسى جيرايرا سەفيلياندى بوساتۋ.
جيرايرا سەفيليان «ءبىر توپ تۇلعالارمەن بىرگە، الدىن الا كەلىسىم بويىنشا بىرنەشە قارۋ-جاراق پەن وق-ءدارى، جارىلعىش زاتتار نەمەسە جارىلعىش قۇرىلعىلاردى زاڭسىز ساتىپ الۋ، ساتۋ، ساقتاۋ، تاسىمالداۋ نەمەسە الىپ ءجۇرۋ» بابى بويىنشا ايىپتالۋدا.
وقيعا ورنىن پوليتسيا قورشاۋعا الدى، ول جەردە بىرنەشە جەدەل مەديتسينالىق جاردەم كولىگى كەزەكشىلىكتە.
الدىن الا ماعلۇماتتارعا سايكەس، اتىس بارىسىندا قارۋلى توپتىڭ ءبىر مۇشەسى جارالاندى.
اۆتور: جاسۇلان جولدىبايەۆ