كەيبىرى وزدەرىنىڭ ساتسىزدىگىن سەنىممەن بايلانىستىرىپ قويادى. مىسالى، «9» دەگەن سان - مەن ءۇشىن ءساتسىز سان، ماۋسىمنىڭ توعىزى كۇنى جولعا شىقپايمىن» دەيتىندەر دوستارىڭىزدىڭ قاتارىنان تابىلاتىن بولار. وزگەلەردى قىزىقتىرعىسى كەلەتىن، جالعان سەنىمدەرىن اينالىپ وتكىسى كەلەتىن جاندارعا مىنا كەڭەستى ۇسىنامىز.
1. وزگەلەردىڭ جەتىستىگىن ءوز ەڭبەگىمەن كەلدى دەپ ويلاي بەرمەۋ
سەبەبى، جەتىستىكتەر ەڭبەكپەن كەلەتىن بولار، ءبىراق ولاردىڭ كەيبىرى ساتتىلىكتىڭ ۇلەسىندە. كوپتەگەن ادام «پالەنشەنىڭ جاعدايى كەرەمەت، ەڭبەكتەنىپ تاۋىپ الدى، بىزدەن قايىر جوق» دەپ بىرەۋدىڭ جەتىستىگىنە قىزىعا قاراپ جۇرەدى.
جەتىستىككە جەتكەن ادام «بۇل جاي عانا ساتتىلىك» دەپ، ەڭبەگىن جوققا شىعارعىسى كەلمەيدى. ورمان ىشىندە ءبىر اعاش بيىك بولىپ ءوسىپ تۇرسا، ونىڭ سىرىن ۇنەمى سۋارىپ جۇرگەن باقتاشىنىڭ ەڭبەگىن ەلەپ جۇرەمىز. ءبىراق، تال سول جەرگە ەمەس، توپىراعى قۇنارلى ەمەس جەرگە وتىرعىزىلسا، بۇل وسىلاي وسەر مە ەدى؟ ەمەن اعاشىنىڭ وزگە اعاشتاردان بيىك بولىپ ءوسۋى ءۇشىن قانداي جاعداي ورىن الۋ كەرەكتىگىن انىقتاپ كورەيىكشى:
- قۇنارلى جەرگە وتىرعىزىلۋى كەرەك؛
- وزگە اعاشتار كۇن ساۋلەسىن الۋعا بوگەت كەلتىرمەۋى ءتيىس؛
- جانۋارلار مەن وتىنشىلار تيىسپەۋى كەرەك.
ساتتىلىك ءار ادامنىڭ جانىندا جۇرەدى، ونى ۇستاپ، ۋىسىنان شىعارىپ المايتىن بار جانە سول ساتتىلىكتى ءمانىسىن تۇسىنبەي، پايداسىنا اسىرا المايتىندار دا از ەمەس. سول ءۇشىن وزگەنىڭ ەڭبەگى مەن ساتتىلىكتەرىن ساناۋدى دوعارڭىز.
2. كاسىبي مامان اتانۋ ءۇشىن 10000 ساعات تاجىريبەدەن ءوتۋ كەرەك. دەمەك، 10 جىل 3 ساعاتتان ۇنەمى دايىندالۋ كەرەك.
- توعىز جىلدا - اپتاسىنا التى ساعاتتان؛
- ون ەكى جىلدا - اپتاسىنا سەگىز ساعاتتان؛
- ون ءتورت جىلدا - اپتاسىنا ون التى ساعات تاجىريبەدەن وتكەن دۇرىس. ەڭبەك ەتۋ استە وڭاي ەمەس، ءبىراق قىزىعۋشىلىقپەن جاساسا، باعىندىرمايتىن بەلەس جوق.
3. جوعارى دارەجەدەگى زياتكەرلىك ۇنەمى جەتىستىككە جەتكىزە بەرمەيدى
ⅩⅩعاسىردىڭ 20-جىلدارىندا ستەنفورد ۋنيۆەرسيتەتىنىڭ ليۋيس تەرمەن پروفەسسورى ءومىر جولىندا زياتكەرلىگى جوعارى مىڭ جارىم بالاعا سىرتتاي زەرتتەۋ جۇرگىزگەن ەكەن. ولار تەست كەزىندە 140 تان 200 عا دەيىن جيناپ جۇرگەن. پروفەسسور ولاردىڭ ءومىر جولىن زەرتتەپ، ءارقايسىسىنا قۇجات اشىپ، دەرەكتەردى جيناپ جۇرگەن. ول زەرتتەۋ قورىتىندىسىندا زياتكەرلىك ادامدى ۇنەمى جەتىستىككە جەتكىزبەيتىنىن ايتقان. نىساناسىنداعى ادامدار عىلىمدا، پروزادا، زاڭگەرلىك ورتادا ءىرى تۇلعاعا اينالسا، ەندى ءبىرى باسقارۋ ورگاندارىندا قىزمەت اتقارعان ەكەن.
ەندى ءبىرى ومىردەن ءوز ورنىن تابا الماي ءجۇرىپتى. ءبىر قىزىعى پروفەسسور زەرتتەپ جۇرگەن ادامداردىڭ ىشىندە نوبەل سىيلىعىن العاندار بولماعان. كەرىسىنشە تەرمەن زياتكەر دەپ مويىنداماعان ۋيليام شوكلي، لۋيس الۆارەس ەسىمدى ازاماتتار اتالعان سىيلىقتى يەمدەنگەن. دەمەك، IQ- تەستتەن الىپ شىققان 120 ۇپاي ادامنىڭ تاعدىرىن شەشپەيدى.
Massaget.kz