ءبىرقاتار زەرتتەۋشىلەر بۇل جەردە ءتاۋراتتا كەزدەسەتىن بەلگىلى پاتشا سۇلەيمەننىڭ نايزاسى جاتقان دەسەدى. ال مۇنداعى شاحتالار اۋاسىنىڭ قۇرعاقتىعىنان ورگانيكالىق ماتەريالدار، سونىڭ ىشىندە ءدان، تەرى جانە ماتا جاقسى ساقتالادى ەكەن.
جاقىندا تيمنا جازىعىندا بولىپ قايتقان تەل- اۆيۆ ۋنيۆەرسيتەتىنىڭ ەكسپەديتسياسى ءداۋىت جانە سۇلەيمەن پايعامبار- پاتشالار ءومىر سۇرگەن كەزدەرگە تيەسىلى دەپ ەسەپتەلەتىن ءبىراز ماتالار فراگمەنتتەرىنىڭ كوللەكتسياسىن جاساعان. جينالعان ماتالار قۇراقتارىنىڭ ءتۇرى مەن ورنەگىنە قاراعاندا، ولاردىڭ ءبىر كەزدەرى قاپشىق، كيىم، ارقان جانە ءجىپ سەكىلدى توقىما زاتتاردىڭ قيىندىلارى بولعانى اڭعارىلادى. تابىلعان زاتتارعا قاراپ تۇرىپ، ءتاۋرات اڭىزدارى بويىنشا ايتىلاتىن يۋدەيلەرمەن سوعىسۋشى جارتىلاي كوشپەلى يدۋمەي جۇرتى جايىندا كوبىرەك بىلۋگە بولادى. مىس كەن ورىندارىنا يەلىك ەتكەن ولار كوپ ۋاقىت وسى ماڭايدا ۇستەمدىك قۇرعان. ال زەرتتەۋشىلەر شاحتادان تاپقان ماتالار بۇيىمدارى مەن فراگمەنتتەرى وسى ءوندىرىس ۇدەرىسىنىڭ ەڭ جوعارعى ساتىسىندا تۇرعان تايپالاردىكى بولعان سياقتى.
سول زامانداردا مىستان ەڭبەك قۇرالدارى، قارۋلار مەن اشەكەيلەر جاسالعان. ول ەرتە مەتالل داۋىرىندەگى قوعامدا ەڭ قۇندى رەسۋرس بولىپ تابىلعان. الايدا، ونى ءوندىرۋ وتە قيىنعا تۇسكەن. سوندىقتان مىس ءوندىرۋدىڭ ەڭ قيىن جۇمىستارىنا قۇلدار نەمەسە تۇتقىندار جەگىلۋى ابدەن مۇمكىن. سونىمەن بىرگە، ءشولدىڭ ورتاسىنداعى تيمنادا مىس ءوندىرۋ ءۇشىن مۇندا كۇن سايىن وراسان زور كولەمدە ازىق- تۇلىك، سۋ جانە توقىما بۇيىمدارىن جەتكىزىپ تۇرۋ كەرەك بولعان. ماسەلەن، توقىما ءۇشىن كەرەكتى جوكەنىڭ بۇل جەردە ءوسۋى مۇمكىن ەمەس. ول يوردان وزەنى جازىعى مەن ءيزرايلدىڭ سولتۇستىگىنەن اكەلىنۋى ىقتيمال. بىلايشا ايتقاندا، جوكە جانە ءجۇن بۇيىمدارى تيمنا جازىعىنا تەك ساۋدا جولىمەن عانا كەلە الادى. بۇدان بۇرىن يەرۋساليمدە، مەگيددو مەن تەل- حاتسورادا جۇرگىزىلگەن قازبا جۇمىستارى كەزىندە ەشقانداي دا ماتا تابىلماعان ەكەن. ولاي بولسا، جاڭا تابىلعان ماتەريالدار بۇرىن كوشپەندىلەرگە سانالعان يدۋمەيلەردىڭ ءتىپتى دە «قاراپايىم» جۇرت بولماعانىن بايقاتادى. بۇل ماتالاردىڭ سۇلەيمەن پايعامبارعا دا قاتىستى بار ەكەنى ەندى ەشقانداي كۇمان تۋعىزا المايدى.
رۋسلان يگىلىك
«ەگەمەن قازاقستان»