بۇل تۋرالى ق ر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ كەڭەيتىلگەن القا وتىرىسىندا ۆەدومستۆو باسشىسى تامارا دۇيسەنوۆا مالىمدەدى.
مينيستر قازاقستان رەسپۋبليكاسىنىڭ دەنساۋلىق ساقتاۋ سالاسىن دامىتۋدىڭ 2016-2019 - جىلدارعا ارنالعان «دەنساۋلىق» مەملەكەتتىك باعدارلاماسىن جۇزەگە اسىرۋ شارالارىنىڭ اياسىندا مەديتسينالىق ءبىلىم بەرۋدى جاڭعىرتۋعا باسا نازار اۋدارىلاتىنىن حابارلادى.
«مەديتسينالىق ءبىلىم بەرۋدى جەتىلدىرۋ ۇزدىك شەتەلدىك مەديتسينالىق ستاندارتتاردى ترانسفەرتتەۋ نەگىزىندە ىسكە اسىرىلاتىن بولادى. وسى ماقساتتا قازاقستاندىق مەديتسينالىق ج و و مەن شەتەلدىك مەديتسينالىق مەكتەپتەر اراسىندا تىعىز بايلانىس ۇيىمداستىرىلادى»، - دەدى تامارا دۇيسەنوۆا.
مينيستر وتاندىق مەديتسينالىق ج و و- لاردىڭ ىقتيمال ستراتەگيالىق ارىپتەستەرى رەتىندە ا ق ش، ۇلى بريتانيا، گەرمانيا، وڭتۇستىك كورەيا، فينليانديا جانە باسقا دا ەلدەردىڭ مەديتسينالىق مەكتەپتەرى قاراستىرىلاتىنىن مالىمدەدى.
ۇزدىك شەتەلدىك ج و و قاتارىنان ستراتەگيالىق ارىپتەسى انىقتالاتىن العاشقى وتاندىق ج و و - س. د. اسفەندياروۆ اتىنداعى قازاق ۇلتتىق مەديتسينالىق ۋنيۆەرسيتەتى بولماق. باستاپقى كەزەڭدە- ا ق قازۇمۋ باسقارۋ شەتەلدىك ارىپتەستەرمەن بىرگە جۇزەگە اسىرىلاتىن بولادى، ودان كەيىن كەزەڭ- كەزەڭىمەن ۋنيۆەرسيتەتتى سەنىمگەر باسقارۋ تۇرىنە بەرىلەدى.
مەديتسينالىق ءبىلىم بەرۋدى جەتىلدىرۋ اياسىندا تالاپكەرلەردى ارنايى تەست كومەگىمەن تاڭداۋ تاسىلدەرى جاڭعىرتىلىپ، دارىگەرلەر مەن رەزيدەنتتەردى بازالىق دايىنداۋدىڭ جاڭا ءبىلىم بەرۋ باعدارلامالارى ەنگىزىلەدى. سونىمەن قاتار، پروفەسسورلىق- وقىتۋشىلىق قۇرامنىڭ الەۋەتى ارتتىرىلىپ، ءبىلىم بەرۋ، عىلىمي قىزمەت جانە مەديتسينانىڭ تاجىريبە ۇدەرىستەرىن بىرىكتىرەتىن ۋنيۆەرسيتەتتىك ەمحانالار قۇرىلادى.
اۆتور: رۋسلان عابباسوۆ