بۇل تۋرالى بۇگىن الماتى قالاسى اكىمدىگىندە وتكەن ارنايى جيىن بارىسىندا «2017-جىلعى ۋنيۆەرسياداعا دايىندالۋ جانە ونى وتكىزۋ ديرەكتسياسىنىڭ» جەتەكشىسى اسەت اۋبدۋاليەۆ ءمالىم ەتتى.
«ۋنيۆەرسيادا - الەمدە وليمپيادا ويىندارىنان كەيىنگى ەڭ ءىرى سپورتتىق شارا بولىپ تابىلادى. سوندىقتان دا مۇنداعى سپورت ويىندارى Eurosport, Eurosport 2, ESPN (ا ق ش) ، NHK World (جاپونيا)، CCTV (ق ح ر)، Arirang (وڭتۇستىك كورەيا) سەكىلدى الەمگە تانىمال تەلەارنالار ارقىلى ترانسلياتسيالانادى. سونداي-اق، رەسەيدىڭ دە الدىڭعى قاتارلى تەلەارنالارى ۋنيۆەرسيادا ويىندارىن كورسەتەتىن بولادى. قازىر اتالعان تەلەارنالارمەن ترانسلياتسيا جونىندە كەلىسىمدەر جۇرگىزىلىپ جاتىر»، - دەدى ءا. ابدۋاليەۆ.
ول سونىمەن قاتار، ترانسلياتسيا اۋديتورياسىنىڭ اۋقىمدى ەكەندىگىن جەتكىزدى. ونىڭ ايتۋىنشا، ۋنيۆەرسيادا ويىندارىن 80 ەلدەن ءبىر ميللياردتان استام كورەرمەن تاماشالايدى دەپ كۇتىلۋدە.
ايتا كەتەلىك، قىسقى ۋنيۆەرسيادا ويىندارى 2017-جىلى 29- قاڭتار مەن 8- اقپان ارالىعىندا وتەدى. سەگىز نىساندا سپورتتىڭ 12 تۇرىنەن جارىستار وتەدى.
اۆتور: جاپپاربەرگەن ايبوتا