اسىرەسە، مادەنيەتتەن جۇرداي، وزدەرىن اشىق دەموكراتيالى قوعام دەپ سانايتىن باتىس ەلدەرىندە مۇنى زاڭداستىرىپ تا قويدى. ماسەلەن، ا ق ش- تىڭ نيۋ- يورك، كاليفورنيا جانە ءبىرقاتار قالالارىندا ءبىر جۇپتىلاردىڭ نەكەلەرىن قيدىرعانداردىڭ سانى كۇن ساناپ ارتىپ بارادى. ەركەكتىڭ ەركەكپەن، ايەلدىڭ ايەلمەن جىنىستىق قاتىناسقا ءتۇسۋى، بىزگە لۇت قاۋىمىنىڭ تاعدىرىن تاعى ءبىر ەسكە سالادى.
كەزىندە ەرلەر ءبىر-بىرىمەن جىنىستىق قاتىناسقا ءتۇسىپ، ازعىندىقتىڭ شەگىنە جەتكەن. ءسويتىپ اللانىڭ ازابىنا ۇشىراعان. جاراتۋشىمىز، ازعىنداعان بۇل قاۋىمنىڭ توبەسىنەن وتتى تاس جاۋدىرتىپ، ولاردى ماڭگىلىك جەرمەن- جەكسەن ەتكەنىن بىرەۋ بىلسە، بىرەۋلەر بىلمەس.
ءيا، لۇت قاۋىمى دەمەكشى، قاسيەتتى قۇراندا بۇل جونىندە بىلاي باياندالادى: لۇت سول ۋاقىتتا ەلىنە ايتتى: «سەندەردەن بۇرىن الەمنەن ەشكىمنىڭ ىستەمەگەن ارسىزدىعىن ىستەيسىڭدەر مە؟»، «سەندەر ايەلدەردى قويىپ ەركەكتەرگە قىزىعىپ كەلەسىڭدەر مە؟ ارينە سەندەر شەكتەن شىققان ەلسىڭدەر» (ءاعراف سۇرەسى، 80-81 -اياتتار). قۇراننىڭ تاعى ءبىر جەرىندە: «لۇت (ع. س) قا دا (پايعامبارلىق بەردىك). سول ۋاقىتتا ەلىنە: «راس وزدەرىڭنەن بۇرىن الەمدە ەشكىم ىستەمەگەن ارسىزدىقتى ىستەدىڭدەر» دەدى. «راس سەندەر ەركەكتەرگە جاقىنداساسىڭدار دا جول كەسىپ، جانە ماجىلىستەرىڭدە جاماندىق ىستەيسىڭدەر مە؟». سوندا قاۋىمى بىلاي دەدى: «ەگەر شىنشىلداردان بولساڭ، قانە بىزگە اللانىڭ ازابىن كەلتىرشى». لۇت: «راببىم! بۇزاقى ەلگە قارسى ماعان جاردەم بەرە كور!»، - دەدى. (انكابۋت سۇرەسى، 28 -30 -اياتتار) مىنە، جيىركەنىشتى ءىستى ەڭ الدىمەن وسىلاي باستاعان لۇت قاۋىمى قۇدايدىڭ قاھارىنا ۇشىرادى. وكىنىشتىسى، سول كەزدەگى ازعىندىقتىڭ بەلگىسى بۇگىندە قايتالانىپ كەلۋى.
مۇسىلمان الەمىنە تانىمال عالىم يبن قاييم گوموسەكسۋاليزم كوپتەگەن كۇنالى ىستەر مەن زياندارعا الىپ كەلەتىنىن ايتقان. - ال ونى ىستەگەن ادام سول ءىسىن جالعاستىرىپ جۇرگەننەن ولگەنى جاقسى، سەبەبى ول ازعىندىق جولىنداعى جانە كۇناھار ادام بولادى دا، قايتا تۇزەلۋگە ءۇمىتى قالمايدى، اللانىڭ جانە ونىڭ جاراتىلىستارى الدىندا ۇياتتان جۇرداي بولادى»، - دەگەنى كوپشىلىككە وي سالۋى ءتيىس. ال، پايعامبارىمىز مۇحاممەد (س. ع. س) - تىڭ كوپتەگەن وسيەتتەرىندە مۇنداي جايلاعان ەلدە ءتۇرلى جۇقپالى اۋرۋلاردىڭ پايدا بولاتىنى جانە ادامنىڭ ەكى جاعى مەن ەكى سانىنىڭ اراسىنداعى مۇشەلەرىنىڭ كۇنالارىنان توزاققا باراتىنى ايتىلعان.
بۇل رەتتە ءوز حالقىمىزدىڭ بولاشاعى ءۇشىن الاڭداۋىمىز كەرەك. ويتكەنى، قازاقستاننىڭ ءاربىر قالالارىندا گومەسەكسۋاليستەردىڭ ارناۋلى ورىندارى، قىدىراتىن تۇنگى كلۋبتارى بار ەكەندىگى باق بەتىندە اشىق جاريالانىپ ءجۇر. ءتىپتى، ولاردى ءبىر- ءبىرىن جاقىنداستىراتىن، باسىن قوساتىن مۇددەلى سايتتاردىڭ جۇمىس ىستەيتىنى قىنجىلتادى. ارۋ قالا الماتىنىڭ وزىندە وتىزعا جۋىق ورتالىعى بار دەگەندى ەستىگەندە تاڭ قالدىق. ال، ەلىمىزدىڭ «نەكە جانە وتباسى تۋرالى» كودەكسىندە «ارالارىندا نەكە قيۋعا جول بەرىلمەيتىن ازاماتتار - ءبىرجىنىستى ادامدار» - دەپ تايعا تاڭبا باسقانداي جازىلعان.
جالپى، ادامزات ۇستانىمدارى مەن سالت- داستۇرىمىزگە، شاريعات زاڭدارىنا قارسى شىعىپ جاتقانداردى جونگە سالاتىن ۋاقىت كەلدى. ءوزىمىز ازعانتاي عانا حالىقپىز. ەلىمىزدىڭ ەرتەڭى دەپ جۇرگەن جاستارىمىز ء«بىر جىنىستى ماحابباتقا» اينالسا، ۇلت بولاشاعىنا بالتا شابىلعانىمەن بىردەي ەمەس پە؟ ەل باسىنا كۇن تۋعاندا الگى گوموسەكسۋاليستەر وتاندى قاي بەتىمەن قورعايدى؟ ازعىندىقتىڭ شەگىنە جەتكەن مۇنداي ۇرپاق كىمگە كەرەك؟
ءبارىن ايت تا، ءبىرىن ايت بۇل ماسەلەنى شەشۋگە قوعام بولىپ اتسالىسقان ءجون. ادامگەرشىلىكتىڭ باستاۋى بولعان يسلام ءدىنىن جاستار اراسىندا كەڭىنەن ناسيحاتتاپ، تۋرا جولعا سالۋدا تاجىريبەلى مامانداردىڭ، كاسىبي ءدىنتانۋشىلاردىڭ، پسيحولوگاتاردىڭ كومەگى اۋاداي قاجەت.
قاي جاعىنان الىپ قاراساق تا، لۇت قاۋىمىنىڭ كۇنالى ىستەرگە بارعانى، قالاي جازالانعانى، اللانىڭ قاھارىنا ىلىككەنى ساباق. ەندەشە، مۇنى بىلە تۇرا ءۇنسىز قالعان جاراماس دەپ ويلايمىن.
تاربيە وتباسىنان باستالادى. بالانى دۇرىس ازامات ەتىپ تاربيەلۋدە اكە- شەشەنىڭ مىندەتى جوعارى. ودان كەيىن ءبىلىم بەرىپ، سانالى ۇرپاق تاربيەلەيتىن ۇستازدار قاۋىمىنا تۇسەر جۇك تە جەڭىل ەمەس. بالانى جاستايىنان تۋرالىققا، تازالىققا، ادامگەرشىلىككە، يماندىلىققا تاربيەلەگەن جانۇيادان ەشقاشان ازعىن ۇرپاق شىقپاسى انىق. سوندىقتاندا، ۇل - قىزدارىمىزدىڭ بولاشاعىنا بارماق تىستەپ قالماس ءۇشىن، وسى ماسەلەگە قازىردەن باستاپ كىرىسكەنىمىز ءجون.
مامليۋك مۋسايەۆ، «ءسادۋاقاس قاجى عىلماني» مەشىتىنىڭ نايب يمامى