قازىر ورىس پەن قازاق اراسىنداعى تاريحي قۇبىلىستاردى «كوممەنتاري» جاساۋشىلار، بىلاي تۇسىندىرەدى: رەسەي بيلىگى - باسقا، ورىس - باسقا، سوندىقتان كەزىندە رەسەي يمپەرياسىنىڭ جاساعان ارەكەتتەرىنىڭ بارىنە بۇگىنگى ورىستار كىنالى ەمەس. بولعان - بولدى، وتكەندى جەككورىنىشتى قىلىپ كورسەتۋگە جول جوق. سەبەبى ورىس- قازاق اراسىندا ۇلتارالىق ءورت ءورشىپ كەتۋى مۇمكىن. جاقىندا ماعان: «سەن - قازاق پاتريوتىسىڭ، ەلدىڭ اراسىندا بۇلىك شىققانىن قالايسىڭ با؟ جوق... ولاي بولسا، قازاق زورلاپ ورىستاندىرىلدى، زورلاپ شوقىندىرىلدى دەگەن تاريحتى جازباڭدار... قازاق ءوز ەركىمەن ورىسقا قوسىلدى. سەبەبى جوڭعار، قوقاندىقتار قىسىم جاسادى. كەرەك دەسەڭىز، قازاقتارعا سول قىسىمدا كومەككە كەلگەن ورىس كازاكتارى بولاتىن. قازاقتاردى بۇگىنگى اماندىعىنا جەتكىزگەن ۇلى ورىس كازاكتارى بولاتىن. ميسسونەرلىك تۋرالى اۋىز اشپا»، - دەپ، اقىل ايتقان بىرەۋ.
بەلگىلى اكادەميك ارنايى كىتاپ جازىپ شوقىنعانداردى «شوقتىعى بيىك» دەپ، دارىپتەپ جاتىر. جالپى تاپسىرما سولاي: «شوقاندى دارىپتەۋ كەرەك. ول - ۇلتتى مودەرن تىرشىلىككە شاقىرعان قازاقتان شىققان تۇڭعىش پاتريوت. ول يسلامدى تەرىستەپ، قازاق قۇقىق جۇيەسىن، مادەنيەتىن، ءتىلى مەن ونەرىن، عىلىمىن العا سۇيرەگەن تۇڭعىش اعارتۋشى...»
ەندى وسىنداي جاعدايدا شىن تاريحتى كىم جازا قويسىن؟! جازعانمەن ول كىمگە كەرەك؟! شيرەك عاسىر وتسە دە، ءبىزدىڭ تاريحشىلاردىڭ «شىن تاريحتى» جازا الماي جۇرگەنىندە دە وسى قىسىم بار ما دەپ وتىرمىن...
فيلوسوفيا جانە تەولوگيا عىلىمدارىنىڭ دوكتورى دوساي كەنجەتايدىڭ فەيسبۋكتاعى پاراقشاسىنان
ەسكەرتۋ: اۆتوردىڭ كوزقاراسى رەداكسيانىڭ ۇستانىمىن بىلدىرمەيدى