دەپ حابارلايدى pavlodarnews.kz.
بۇل تۋرالى اگەنتتىكتىڭ رەسمي ساۋالىنا جاۋاپ پاۆلودار وبلىستىق يندۋستريالىق- يننوۆاتسيالىق دامۋ باسقارماسى باسشىسىنىڭ ورىنباسارى ءانۋار مۇقىشيەۆ حابارلاعان.
ءا. مۇقىشيەۆتىڭ ايتۋىنشا، مۇناي- حيميا باعىتىنداعى قوس جوبا «پاۆلودار» ارنايى ەكونوميكالىق ايماقتا ىسكە قوسىلادى دەپ كۇتىلەدى. تاعى ەكى جوبا اقسۋ قالاسىنىڭ اۋماعىندا جانە «قازاقستان ەلەكتروليز زاۋىتى» ا ق- دا جۇزەگە اسىرىلادى. ناقتىراق ايتقاندا، اليۋميني قورىتپاسىن شىعارۋ ءۇشىن ەلەكتروليز ءوندىرىسىنىڭ قۋاتتىلىعىن جىلىنا 140 مىڭ تونناعا جەتكىزۋ ماقساتىندا «قازاقستان ەلەكتروليز زاۋىتى» ا ق- دا قىتاي ەلىمەن بىرلەسكەن جوبا قولعا الىنادى. سونىمەن قاتار اقسۋ اۋماعىندا ەكى ەنەرگوبلوكتىڭ قۇرىلىسى باستالادى دەپ كۇتىلۋدە. «پاۆلودار» ارنايى ەكونوميكالىق ايماعىندا حيميالىق- مەتاللۋرگيالىق كەشەندى دامىتۋعا دا قىتايلىق ارىپتەستەر ۇلەس قوسپاق.
«بۇگىندە «پاۆلودار» ا ە ا- دا قىتايدىڭ ۇلەسى بار «اگرو حيم پروگرەس» ج ش س- دە اگروحيميالىق ءونىم شىعارۋ جوباسى بويىنشا جۇمىستار جۇرگىزىلۋدە. بۇعان 3,2 ميلليارد تەڭگە قاراستىرىلعان. ال حيميالىق- مەتاللۋرگيالىق كەشەندى دامىتۋعا 2 ميلليارد تەڭگەدەن استام قارجى ينۆەستيتسيالانباق. بۇل تۇرعىدا قىتاي ەلى ەكى وڭىردە جۇمىس جاساماق. اتاپ ايتساق، پاۆلودار وڭىرىنە قايتا ءوندىرۋ ماقساتىندا، ەكىنشى ايماق - جامبىل وبلىسىندا ماگەنتيت كەنىن شىعارۋعا قارجى بولىنبەك.
كەيىن كەن وبلىسىمىزعا تاسىمالدانىپ، ارنايى ەكونوميكالىق ايماقتا جىلىنا 250 مىڭ توننا تيتان ديوكسيدى جانە 900 مىڭ توننا ارنايى بولات وندىرىلەدى. بۇل ءونىم كوپتەگەن سالالاردا: جەڭىل جانە حيميا ونەركاسىبىندە قولدانىلادى. ماسەلەن، ەمۋلگاتورلار مەن ءتۇرلى بوياۋ ونىمدەرى شىعارىلادى. دايىن تاۋار رەسەيدە شىعارىلمايتىنى بەلگىلى. بۇل ءبىز ءۇشىن ءتيىمدى بولماق. سوندىقتان ءونىم رەسەي جانە ورتالىق ازياعا، سونىمەن قاتار ەلىمىزدىڭ كورشىلەس مەملەكەتتەرىنىڭ نارىعىنا تاسىمالدانادى دەگەن جوسپار بار. ءىرى جوبالار 2016-2017 -جىلدارعا مەجەلەنگەن. بيىل قۇجاتتامالىق، دايىندىق جانە ءونىم شىعارىلاتىن جەرلەردى ىزدەۋ جۇمىستارى اتقارىلادى»، - دەيدى ءا. مۇقىشيەۆ.