سۋ ينپين باستاپ كەلگەن قىتايلىق كومپانيا وكىلدەرىمەن وتكەن كەزدەسۋدە ايماق باسشىسى وبلىستىڭ ەكىجاقتى ارىپتەستىك ورناتۋعا قىزىعۋشىلىق تانىتقان ينۆەستورلار ءۇشىن اشىق ەكەنىن اتاپ ءوتتى.
«جاڭا ءوندىرىس ورىندارى اشىلىپ، ونەركاسىپ سالاسى قارقىندى دامىپ كەلە جاتقان وبلىس ورتالىعى ءۇشىن جىلۋ ورتالىعىن سالۋ ماڭىزدى. ءبىز وسى ماقساتتا جاقىندا يزرايلدىك كومپانيامەن مەموراندۋمعا قول قويعان بولاتىنبىز. ولار بىزگە ءوز مۇمكىندىكتەرىن ۇسىندى. دەگەنمەن، ءبىز ولارعا بىردەن تالاپتارىمىزعا ساي اتالعان جوبانىڭ جۇزەگە اسىرۋعا نيەتتى الەۋەتتى كومپانيا تابىلىپ جاتسا سولارمەن جۇمىس ىستەيتىنىمىزدى ەسكەرتتىك. بىزگە ەڭ باستىسى وزىمىزدە شىعارىلاتىن سارى ادىر كومىرىن پايدالانعان ءتيىمدى. بۇل ءبىر جاعىنان ورتالىقتى وتىنمەن ءۇزىلىس قامتاماسىز ەتۋگە مۇمكىندىك بەرسە، ەكىنشىدەن كوپتەگەن تۇراقتى جۇمىس ورنى، ءارى قارجى وزىمىزدە قالادى»، - دەدى وبلىس اكىمى كەزدەسۋدە.
سونىمەن قاتار، ءوڭىر باسشىسى ينۆەستورلارعا كوكشەتاۋ قالاسىن جىلۋمەن قامتاماسىز ەتىپ وتىرعان ر1 جانە ر2 اۋدان ارالىق جىلۋ قازاندىعىن قايتا قالپىنا جۇمىستارىن دا قولعا الۋدى ۇسىندى.
كەزدەسۋدە قىتايلىقتار ءوز مۇمكىندىكتەرىن ايتا كەلە، جىلۋ ەنەرگيا ورتالىعىنىڭ قۇرىلىسىن قولعا الۋعا دايىن ەكەنىن جەتكىزدى. ودان ءارى اقمولا وبلىسىنىڭ اكىمدىگى مەن قىتايلىق
«China Sinogy Electric Engineering Co.Ltd» (CSEEC) كومپانيا اراسىندا اتالعان جىلۋ ەنەرگيا ورتالىعى سالۋ جونىندەگى مەموراندۋمعا قول قويىلدى.
ەسكە سالا كەتسەك، وتكەن جىلدىڭ سوڭىندا اقمولا وبلىسىنىڭ اكىمدىگى مەن يزرايلدىك كومپانيا اراسىندا كوكشەتاۋ قالاسىندا قۋاتى 180 م ۆ ت ەلەكتر جانە 450 گ ك ا ل/س- تى قۇرايتىن ج ە و سالۋ جونىندەگى مەموراندۋمعا قول قويىلعان بولاتىن.
ازىرگە، اتالعان نىساننىڭ قۇرىلىسىن قاي كومپانيا قاشان قولعا الاتىنى بەلگىسىز. الداعى ۋاقىتتا اقمولا وبلىسى اكىمدىگىنىڭ قويىپ وتىرعان تالاپتارىنا ساي جۇمىس جاسايتىن كومپانياعا باسىمدىق بەرىلەتىنى ءسوزسىز.
اۆتور: اسلان وسپانوۆ