بۇل تۋرالى بۇگىن ق ر پرەزيدەنتى جانىنداعى و ك ق- دە وتكەن بريفينگتە ق ر سىرتقى ىستەر ءمينيسترى ەرلان ىدىرىسوۆ ءمالىم ەتتى.
«كەلەسى جىلعى ساپارلار كەستەسى ءالى دە بولسا ناقتىلانۋ ۇستىندە. دەگەنمەن، كەلەسى جىلدىڭ ناۋرىز ايىنىڭ سوڭىندا ۆاشينگتوندا يادرولىق قاۋىپسىزدىك جونىندەگى سامميت سىندى ءىرى وقيعانىڭ وتەتىندىگىن ايتقىم كەلەدى. انتيادرولىق قوزعالىستىڭ بەلسەندى قاتىسۋشىسى رەتىندە ءبىزدىڭ مەملەكەت باسشىمىز، ارينە، وعان شاقىرتىلادى جانە امەريكالىق كوشباسشى تاراپىنان بۇل سامميتكە شاقىرتۋ الدى دا»، - دەدى ە. ىدىرىسوۆ.
سونىمەن قاتار مينيستر ءساۋىر ايىندا تۇركيادا يسلام ىنتىماقتاستىق ۇيىمى سامميت جوسپارلانىپ وتىرعاندىعىن، تاشكەنتتە ش ى ۇ، قىرعىزستاندا تۇركى تىلدەس مەملەكەتتەر ىنتىماقتاستىعى كەڭەسىنىڭ وتىرىسى وتەتىندىگىن ايتتى.
«بىزدەردە ءتۇرلى مەملەكەتتەردەن كوپتەگەن شاقىرتۋلار بار، ءبىزدىڭ ەلگە كەلۋگە نيەتتىلەردىڭ قاتارى دا مول. قازىرگى ۋاقىتتا مۇنىڭ بارلىعى ساراپتالۋ ۇستىندە. ويتكەنى، مەملەكەت كوشباسشىلارىنىڭ حالىقارالىق كەستەسى وتە قيىن، ەل ىشىندە دە ءىرى شارالار بار. وزدەرىڭىز دە بىلەتىندەي، كەلەسى جىل - قازاقستان تاۋەلسىزدىگىنىڭ 25 جىلدىعى. سوندىقتان دا حالىقارالىق كەستەنىنىڭ سوڭعى نۇسقاسىن بەكىتۋ وتە قيىن. ءبىراق، مەملەكەت باسشىسىنىڭ ناقتى بيۋدجەتى قالىپتاستىرىلادى دەپ كۇتىپ وتىرعان ءىرى شارالاردى جاريا ەتىپ وتىرمىن»، - دەدى مينيستر.
اۆتور: مارلان جيەمباي