استانا 17 جاسقا تولىپ، از عانا جىلدىڭ ىشىندە الەم تانىعان اسەم قالالاردىڭ قاتارىنان كورىندى. جەر جاھان استانانى قازاقتىڭ باس قالاسى رەتىندە تانىپ قانا قويعان جوق، ەۋرازيا كىندىگىندەگى ەڭ بەلسەندى ورتالىققا، الەمدىك دەڭگەيدەگى شەشىمدەر قابىلداناتىن ورتالىققا اينالعانىن دا مويىنداپ وتىر.
سونداي-اق كەشە ەڭسەلى ەلوردامىزدىڭ نەگىزىن قالاعان ەلباسى نۇرسۇلتان نازاربايەۆتىڭ تۋعان كۇنى بولدى. وسىعان وراي مەملەكەت باسشىسىن تۋعان كۇنىمەن رەسەي فەدەراتسياسىنىڭ پرەزيدەنتى ۆلاديمير پۋتين، قىتاي حالىق رەسپۋبليكاسىنىڭ ءتوراعاسى شي جينپيڭ، ا ق ش پرەزيدەنتى باراك وباما، گەرمانيانىڭ فەدەرالدىق كانتسلەرى انگەلا مەركەل، بەلارۋس رەسپۋبليكاسىنىڭ پرەزيدەنتى الەكساندر لۋكاشەنكو، ۋكراينا پرەزيدەنتى پەتر پوروشەنكو، قىرعىز رەسپۋبليكاسىنىڭ پرەزيدەنتى المازبەك اتامبايەۆ، ازەربايجان رەسپۋبليكاسىنىڭ پرەزيدەنتى يلحام الييەۆ، تاجىكستان رەسپۋبليكاسىنىڭ پرەزيدەنتى ەمومالي راحمون، وزبەكستان رەسپۋبليكاسىنىڭ پرەزيدەنتى يسلام كارىموۆ، ءۇندىستان پرەمەر-ءمينيسترى نارەندرا مودي، ابۋ دابيدىڭ مۇراگەر حانزاداسى، بىرىككەن اراب امىرلىكتەرى قارۋلى كۇشتەرىنىڭ جوعارى باس قولباسشىسىنىڭ ورىنباسارى شەيح مۇحاممەد بەن زايد ءال ناحايان، يسپانيا كورولى VI فەليپە مەن يسپانيا ۇكىمەتىنىڭ ءتوراعاسى ماريانو راحوي، سەربيا پرەزيدەنتى توميسلاۆ نيكوليچ، چەحيا رەسپۋبليكاسىنىڭ پرەزيدەنتى ميلوش زەمان، ۆەنگريا پرەمەر-ءمينيسترى ۆيكتور وربان، نيدەرلاند پرەمەر-ءمينيسترى مارك ريۋتتە، رەسەي فەدەراتسياسى ۇكىمەتىنىڭ ءتوراعاسى دميتري مەدۆەديەۆ جانە ت. ب. قازىرگى جانە بۇرىنعى مەملەكەت جانە ۇكىمەت باسشىلارى، حالىقارالىق ۇيىمداردىڭ باسشىلارى ءبىر توپ قازاقستاندىق ازاماتتار ءوز قۇتتىقتاۋلارىن، ەلباسىنا دەگەن جىلى لەبىزدەرى مەن ىزگى تىلەكتەرىن جولدادى.
اسەم استانا كوشەلەرىندە ەلوردا تۇرعىندارى مەن قالا قوناقتارىنا ارنالىپ وسى كۇندەرى كوپتەگەن مەرەكەلىك شارالار ۇيىمداستىرىلدى. «قازاقپارات» وقىرماندار نازارىنا ەلىمىزدىڭ باس شاھارى تۋعان كۇنىن قالاي اتاپ ءوتتى دەگەن تاقىرىپتا فوتورەپورتاج ۇسىنادى.