بۇل تۋرالى بۇگىن ميلاندا ءوتىپ جاتقان قازاقستان-يتاليا بيزنەس فورۋمىندا ەلباسى نۇرسۇلتان نازاربايەۆ ايتتى.
«جايلى ينۆەستيتسيالىق احۋال قالىپتاستىرۋ ءبىزدىڭ باسىمدىعىمىزدىڭ قاتارىندا بولدى ءارى، سولاي بولىپ قالا بەرەدى دە. ءبىزدىڭ ەلىمىزدە جۇمىس ىستەپ جاتقان ساراپشىلاردىڭ، ينۆەستورلاردىڭ باعالاۋىنشا، بۇگىندە ينۆەستيتسيا ءۇشىن ەڭ قولايلى احۋال ورتا ازيا ەلدەرى ىشىندە قازاقستاندا قالىپتاسقان. بىرىنشىدەن، دۇنيەجۇزىلىك بانك قازاقستاندى قارجى قۇيۋعا وتە قولايلى جيىرما ەلدىڭ ءبىرى رەتىندە تانىدى. ەكىنشىدەن، قازاقستاننىڭ وتە تومەن حالىقارالىق قارىزى بار ءار ەلدىڭ قارجىلاي قورى ءجۇز ميلليارد دوللاردى قۇرايدى. ءبىز ونى يندۋستريالاندىرۋعا جۇمساپ جاتىرمىز»، - دەدى ەلباسى.
ق ر پرەزيدەنتى قازاقستان اۋماعىندا ون ارنايى ەكونوميكالىق ايماق جۇمىس ىستەپ جاتقاندىعىن ءارى، بۇل ايماق بارلىق سالىقتاردان تولىق بوساتىلعاندىعىن اتاپ ءوتتى. وندا كاسىپكەرلەردى قولداۋعا ارنالعان سالىقتىق پروفەرەنسيا قولدانىلادى. باسىم سالالاردىڭ ينۆەستورلارى كورپوراتيۆتى تابىس سالىعىنان، جەر سالىعىنان ون جىلعا، مۇلىك سالعىنان سەگىز جىلعا بوساتىلادى.
«ينۆەستورلارعا سالىق زاڭناماسىنىڭ، كەلىسىمشارتتاردىڭ تۇراقتىلىعىنا كەپىلدىك بەرىلەدى. مەملەكەت بىزدە جۇمىس ىستەيتىن ينۆەستورلاردىڭ وتىز پايىز شىعىندارىن وتەۋگە دايىن. ايتىڭىزدارشى، الەمدە قانداي ەلدە مۇنداي جاعداي جاسالعان؟ - جوق»، - دەدى ەلباسى.
اۆتور: مارلان جيەمباي