- الداعى ۋاقىتتا كورەرمەندەردى قانداي تەلەونىمدەرمەن قۋانتساق دەپ وتىرسىزدار؟
- اپتانىڭ دەمالىس كۇندەرى زەرىكتىرمەي، ولاردىڭ كوڭىلىن كوتەرۋ ءارى نازارىن بىزگە اۋدارۋ ماقساتىمەن تاعى ءبىر جوبا - «سەنبىلىك كەزدەسۋ» تەلەباعدارلاماسىن جاسادىق. «سەنبىلىك كەزدەسۋ» ەلگە تانىمال تۇلعالاردىڭ جەكە تاعدىرىنا ءۇڭىلىپ، ونداعى قالتارىس-بۇلتارىستاردى، شىققان بيىگى مەن قۇلديلاعان تۇستارىن بۇكپەسىز ايتۋعا جەتەلەيتىن تەلەجوبا بولماق. اتالعان باعدارلامانىڭ قوناقتارى ەلگە قادىرلى تۇلعالار - ءاسانالى ءاشىموۆ، جاقسىلىق ۇشكەمپىروۆ، بيبىگۇل تولەگەنوۆا، باقىتجان ەرتايەۆ، ءالىمعازى رايىمبەكوۆ، روزا رىمبايەۆا، ارمان داۋلەتياروۆ بولدى. بۇل تەلەباعدارلاما دا ساپالى جوبالاردىڭ ءبىرى بولادى دەگەن ۇمىتتەمىز. كورەرمەندەردىڭ كوزايىمىنا اينالعان تەلەحيكايالاردىڭ لەگى دە جالعاساتىن بولادى. بالاپاندارىمىزعا بازارلىق - «بالامەن بەتپە- بەت» باعدارلاماسى. تانىمال ەسترادا ءانشىسى الماس كىشكەنبايەۆ ستۋدياعا كەلگەن كىشكەنتاي قوناقتارمەن تىلدەسىپ، سۇراق-جاۋاپ ارقىلى بۇلدىرشىندەردىڭ وبرازىن اشۋعا تىرىسادى.
كەي تەلەجوبالارىمىزدى قۇپيا ۇستايمىز. ءبىراق سىزدەردىڭ كوڭىلدەرىڭىزدەن شىعاتىنداي جاقسى جوبالار دايىندالاتىندىعى ءسوزسىز.
- تەلەحيكايا دەپ قالدىڭىز، سوڭعى جىلدارى ۇلتتىق تەلەارنانىڭ قاتىسۋىمەن قانشا تەلەحيكايا ءتۇسىرىلدى؟ كورەرمەندەردىڭ ىقىلاسى قالاي؟
- «قازاقستان» ۇلتتىق تەلەارناسىنىڭ قورجىنىندا ءدال بۇگىنگە دەيىن 40 تان استام تاقىرىپتى قامتىعان 900 بولىمدىك تەلەحيكايالار ءتۇسىرىلدى. 2011 -جىلى بار بولعانى التى تەلەحيكايا بار ەدى. تەلەارنانىڭ مازمۇنىن بايىتىپ، حالىقتىڭ زور ىقىلاسىنا بولەنۋىنە اسەر ەتىپ وتىرعان جوبالاردىڭ ءبىر شوعىرى ارنا نەگىزىندە تۇسىرىلگەن سول تەلەحيكايالار ەكەنىن كوزى قاراقتى قاۋىم جاقسى بىلەدى. ولاردىڭ تاقىرىبى دا سان الۋان. ماسەلەن، 100 ءبولىمدى «قارا شاڭىراق» تەلەحيكاياسىندا وتباسى قۇندىلىعى، كاسىپكەرلىكتى دامىتۋ، قالالاردى، ايماقتاردى وركەندەتۋ سەكىلدى ەل ساياساتىنداعى باسىمدىق بەرىلىپ وتىرعان ماسەلەلەر، «سىرعالىمدا» اۋىل قىزىنىڭ تاباندىلىعى، بىلىمگە قۇشتارلىعى، «جەدەل جاردەمدە» وتاندىق مەديتسينانىڭ جەتىستىكتەرى، «ۇستازدا» مارتەبەسى تومەندەپ كەتكەن مۇعالىم قىزمەتىنىڭ سان قىرى كينو تىلىمەن سويلەيدى. سول سەكىلدى «باپكەر»، «اپكە» سەكىلدى وتاندىق كوركەم تەلەحيكايالارىمىزدىڭ دا ايتارى از ەمەس. ءساۋىردىڭ سوڭىندا «كوك تارلاندارى» اسكەري- پاتريوتتىق جانرداعى تەلەحيكايانىڭ جالعاسى كورەرمەندەردىڭ ىقىلاسىنا بولەنە تۇسۋىمىزگە سەبىن تيگىزەدى دەگەن ويدامىز. بۇلاردىڭ ءبارى ەفيرلەرىمىزدى جاۋلاپ العان تۇرىك، كورەي تەلەحيكايالارىن ىعىستىرىپ، كورەرمەندەردىڭ اسىعا كۇتەتىن دۇنيەلەرىنە اينالۋدا.
كوركەم تەلەحيكايا ءوندىرۋ، شىنىندا دا، ارزان دۇنيە ەمەس. كورەرمەندەرىمىزدىڭ كوڭىلىندە جۇرگەن سان الۋان ماسەلەلەردى كينو تىلىمەن جەتكىزۋ - ۇلكەن شارۋا.
- تەلەديدار، راديو سالاسىنا سىرتقى دا ىشكى قارجىلىق كۇشتەر ينۆەستور رەتىندە كەلگەندە ەل، حالىق مۇددەسى تىس قالماۋى ءۇشىن مەملەكەت نازارى نەدەن تايماۋى قاجەت؟
- ونىڭ بارلىعى ەلىمىزدەگى زاڭدارمەن رەتتەلەدى. بارلىق قادام وسى زاڭداردىڭ اياسىندا قاداعالانادى.
- حالىقارالىق دەڭگەيگە كوتەرىلگەن شەتەلدىك تەلەارنالارمەن «قازاقستاننىڭ» بايلانىسى قانداي؟
- الەمدىك دەڭگەيگە جەتكىزۋ ءۇشىن سوڭعى ەكى جىلدا ۇلكەن قادامدار جاسادىق. بۇل مەنەدجەر رەتىندەگى جۇمىسىمنىڭ باعىتى دەپ ەسەپتەيمىن.
قازىردە «قازاقستان» تەلەباعدارلامالارى حالىقارالىق بايقاۋلارعا قاتىسىپ، جۇلدەلى ورىن الىپ كەلىپ جاتىر. ۇلتتىق تەلەارنامىزبەن BBC ( ۇلى بريتانيا)، CCTV (قىتاي)، NHK (جاپونيا)، TRT 1(تۇركيا) سەكىلدى الەمدىك مەديا نارىقتاعى بەدەلدى كورپوراتسيالار اراسىندا بىرلەسىپ جۇمىس ىستەۋ جونىندە كەلىسىمشارتتارعا قول قويىلدى.
وتكەن جىلى بايقاعان بولساڭىز، لوگوتيپىمىزدى وزگەرتتىك. وعان جاريالانعان بايقاۋعا الەمگە بەلگىلى ديزاينەرلىك توپتار قاتىستى. بۇنىڭ ءبارى حالىقارالىق دەڭگەيگە ۇمتىلۋ جولىنداعى العاشقى ادىمدارىمىز...
- حالىقارالىق دەڭگەيدەگى بەدەلگە جەتۋى ءۇشىن قانداي العىشارتتار قالىپتاسۋى قاجەت؟
- كەز كەلگەن تەلەارنا ءوزىنىڭ جۇلدىزدارىن تاربيەلەۋگە تىرىسادى. ءبىزدىڭ تەلەكورپوراتسيا دا وسى جولدا. رابيعا امانجولوۆا، ولاردان كەيىنگى تولقىن - ءلاززات تانىسباي، دانا نۇرجىگىت سەكىلدى تەلەجۇرگىزۋشىلەردى قازاق كورەرمەندەرى ءالى دە ۇمىتا قويعان جوق. «قازاقستان» تەلەارناسىندا سوڭعى ءۇش جىلدان بەرى ءبىراز تەلەجۇلدىزداردىڭ شوعىرى قالىپتاسىپ كەلەدى. ماسەلەن، بەلگىلى جۋرناليست ماقات سادىقتى، «ايەل باقىتى» باعدارلاماسىنىڭ جۇرگىزۋشىسى ءلايلا سۇلتان قىزىن، نۇرلان قويانبايەۆتى، مەيىرجان الىبەكتى، بەيسەن قۇرانبەكتى، گۇلميرا دايرابايەۆانى، جاڭالىقتار جۇرگىزۋشىلەرى - گۇلناز الىمگەرەيدى، لامبريان توپۋزيديستى، «تاڭشولپان» جۇرگىزۋشىلەرى - جانسەرىكتى، يرينانى بىلمەيتىن ادامدار كەمدە- كەم.
- ۇلتتىق ارنانىڭ مەملەكەتتىك ساياساتتى ناسيحاتتاۋداعى، قوعامداعى ءتۇرلى ماسەلەلەردى كوتەرۋدەگى اشىقتىعى قانداي؟
- كەز كەلگەن قوعامدا ءومىر سۇرە وتىرىپ، سول قوعامنان تىس قالۋ مۇمكىن ەمەس. اقپارات قۇرالدارى، مەيلى كوممەرتسيالىق، مەيلى مەملەكەتتىك مەنشىكتە بولسا دا، قوعامنىڭ ايناسى بولعان، سولاي بولىپ قالا بەرەدى دە. ولاردىڭ باستى مىندەتى - ەلدىڭ العا جىلجۋىنا جول اشىپ جاتقان وزگەرىستەر، قادامدار، شەشىمدەر جايلى حالىققا جەتكىزۋ، ناسيحاتتاۋ. بۇل رەتتە كوزى قاراقتى قاۋىم ۇلتتىق ارنانىڭ تەك جاقسىلىقتى عانا كورىپ، يگىلىكتى شارالاردى عانا جاريالاپ جاتپاعانىن زەردەلەي الادى.
ءبىز، ماسەلەن، ەلباسىنىڭ جۇرگىزىپ وتىرعان ساياساتىن جۇزەگە اسىرۋدا قابىلدانعان ۇكىمەتتىك باعدارلامالاردى ورىنداۋ بارىسىندا تۋىنداپ جاتقان قيىندىقتاردى، كەتىپ جاتقان كەمشىلىكتەردى ايقىنداپ، كورسەتۋ باعىتىنا ەلەۋلى نازار اۋدارامىز. وزگە دە ۇلتتىق قۇندىلىقتارىمىزدى ناسيحاتتاپ، قوعامداعى وزەكتى ماسەلەلەردى كوتەرەتىن، ماڭىزدى ساياسي- ەكونوميكالىق تاقىرىپتاردى قامتيتىن باعدارلامالار بار. ولاردىڭ ءبارى وزدەرىڭىزدىڭ كوز الدارىڭىزدا ءجۇرىپ جاتىر. سوندىقتان كورپوراتسيا قۇرامىنداعى بارلىق مەديااكتيۆتەرىمىز تولىققاندى «باردى بار، جوقتى جوق» دەپ ايتۋعا ۇمتىلادى. ەندەشە، «قازاقستان» تەلەارناسىن ەلدەگى ءتۇرلى قۇبىلىستاردى، وقيعالاردى وبەكتيۆتى جەتكىزەتىن قوعامدىق تەلەديدار دەڭگەيىنە جەتتى دەپ ايتۋعا بولار. دەگەنمەن، الەمدە قوعامدىق تەلەۆيزياعا جۇكتەلەتىن ءارى ونى قۇرۋعا قاتىستى ارنايى شارتتارى بار. مۇنى ۇمىتپاۋ كەرەك. قوعامداعى بارلىق ماسەلەلەرگە ءۇن قوسىپ، جاعدايدى وبەكتيۆتى تۇردە جەتكىزۋ مۇمكىندىگىنەن وتاندىق ب ا ق قاي كەزدە دە قۇر قالماعان. جالپى، ءوز باسىم قوعامداعى وزگەرىستەرگە پوزيتيۆتى تۇردە قارايتىن اداممىن. ويتكەنى كەمشىلىكسىز دۇنيە بولمايدى، ونى تۇزەتۋ، وعان نازار اۋدارتۋ - ب ا ق- تىڭ مىندەتى. تەك بارلىعى زاڭنىڭ اياسىندا جۇزەگە اسۋى كەرەك. قوعامداعى وزەكتى ماسەلەلەردى ايتۋدا «31» ارنادا جۇمىس ىستەپ جۇرگەن كەزدە دە قاعاجۋ كورگەن ادام ەمەسپىن، قازىر دە ەش تىيىم، شەكتەۋدى سەزىنىپ جۇرگەن جوقپىن.
قۇرمانعالي نۇرعاليەۆ
kazakhstanzaman.kz