قازاقستان سينگاپۋردىڭ نەگىزىن قالاۋشى لي كۋان يۋدىڭ 1960 - جىلى ەل ساۋاتتىلىعىن كوتەرۋ ماقساتىندا، ساۋاتتى ەركەكتەرگە تەك ينتەللەكتىسى جوعارى ايەلدەرمەن وتباسىلى بولۋعا شاقىرعان ساياساتىنا كوز سالۋى كەرەك دەپ جازدى "ەكسپرەسس ك" گازەتى.
باتىس ەلدەردە كۋان يۋدىڭ بۇل ساياساتىنا كۇلە قاراعاندار كوپ بولعان، الايدا بۇل ساياساتتىڭ ىسكە اسۋىنا ەش اسەر ەتپەدى. سينگاپۋردا ساۋاتتى ايەلدەرگە كۇيەۋ تاڭداپ بەرەتىن الەۋمەتتىك دامۋ اگەنتتىگى قۇرىلدى.
ەكونوميست وراز قايسەندۋللايەۆتىڭ پىكىرىنشە، ءدال وسى ساياسات سينگاپۋر ەلىنىڭ جەتىستىككە جەتۋىنە سەبەپكەر بولعان.
قازاقستان ءۇشىن دە بۇل ماسەلە وزەكتى، سەبەبى ەلدىڭ باسەكەگە قابىلەتتى بولۋى مەن ۇلتتىڭ يتەللەكتۋالدى دەڭگەيىنە بۇل جاعدايدىڭ تىكەلەي اسەرى بار.
«نەگىزگى گەندەر بالاعا اناسىنان بەرىلەدى. لي كۋان يۋ بولاشاققا كوز تىكتى: ول سينگاپۋرلىقتاردىڭ ساۋاتسىز قىزداردى الۋعا تىرىساتىنىن بايقاعان. بۇكىل الەمدىك ستاتيستيكا دا قۋانتارلىق بولمادى: 100 ساۋاتتى ايەل ورتا ەسەپپەن 160 بالانى دۇنيەگە اكەلسە، ساۋاتسىز ايەلدەر 400 بالا تۋاتىنى انىقتالعان. قازاقستان ءۇشىن دە بۇل ماسەلە وزەكتى، سەبەبى ەلدىڭ باسەكەگە قابىلەتتى بولۋى مەن ۇلتتىڭ يتەللەكتۋالدى دەڭگەيىنە بۇل جاعدايدىڭ تىكەلەي اسەرى بار. ستاتيستيكاعا سۇيەنسەك، قازاقستاندا 300 مىڭ تۇرمىس قۇرماي وتىرىپ قالعان ايەلدەر بار، ولاردىڭ كوپشىلىگى جوعارى ءبىلىمدى ايەلدەر»، - دەيدى ەكونوميست.
سينگاپۋر بيلىگى اقىلدى ايەلدەرگە ۇيلەنۋدى قولداۋمەن قاتار، ونداي جۇپ ءۇشىنشى نەمەسە ءتورتىنشى رەت نارەستەلى بولسا قوماقتى قارجىلاي كومەك كورسەتكەن. ەكونوميست بۇل شەشىمدى دە قولداپ وتىر.
ونىڭ ايتۋىنشا، جۇرتشىلىق لي كۋان يۋدىڭ بۇل ءىسىن ادام قۇقىعىن بۇزۋشىلىق دەپ قانشا داتتاعانىمەن، ءومىر اتالمىش قادامنىڭ ءساتتى بولعانىن كورسەتتى.
«قازىر سينگاپۋر نەگىزگى بايلىعى - ادامدار بولىپ تابىلاتىن، الەمدە الدىڭعى قاتاردا تۇرعان مەملكەتتەردىڭ ءبىرى»، - دەيدى قايسەندۋللايەۆ.
NUR. KZ