بۇل تۋرالى بۇگىن اقوردادا قازاقستاندا تىركەلگەن شەتەلدىك ديپلوماتيالىق ميسسيالار باسشىلارىمەن كەزدەسۋدە ەلباسى نۇرسۇلتان نازاربايەۆ ايتتى.
«قاۋىپسىزدىكتى قامتاماسىز ەتۋدىڭ بارىنشا ءتيىمدى جولى مەملەكەتتەردىڭ تىعىز ەكونوميكالىق بايلانىسى سانالادى. بۇگىندە باتىس پەن رەسەيدىڭ ءوزارا ەكونوميكالىق سانكتسيالارى الەمدىك ەكونوميكاداعى ونسىز دا قيىن جاعدايدى ۇلعايتا تۇسەتىندىگى ءسوزسىز. ەلدەر مەن حالىقتاردىڭ جاعدايى ناشارلاي تۇسەدى. قازاقستان دا الەمدىك قوعامداستىقتىڭ مۇشەسى رەتىندە مۇنان تىس قالا المايدى»، - دەدى ەلباسى.
مەملەكەت باسشىسىنىڭ اتاپ وتۋىنشە، بۇل تۇرعىدا 12 - اقپاندا مينسكىدە قابىلدانعان دەكلاراتسيا اتلانتيكادان تىنىق مۇحيتقا دەيىن ورتاق ەكونوميكالىق كەڭىستىك قۇرۋ يدەياسىنا بەيىلدىكتى قاراستىرادى.
«ءوز تارابىنان قازاقستان سىرتقى ەكونوميكالىق بايلانىستاردى جانە وڭىرلىك ينتەگراتسيانى كەڭەيتۋ باعدارىنان تايماق ەمەس»، - دەدى ن. نازاربايەۆ.
اۆتور: مارلان جيەمباي