بۇگىن اقوردادا قازاقستاندا تىركەلگەن شەتەلدىك ديپلوماتيالىق ميسسيا باسشىلارىمەن كەزدەسۋى بارىسىندا ق ر پرەزيدەنتى نۇرسۇلتان نازاربايەۆ وسىلاي ءمالىم ەتتى.
ءسوز بارىسىندا ەلباسى «نۇرلى جول» باعدارلاماسىنا توقتالا كەلە، ونىڭ اياسىندا 2015 - جىلدان باستاپ 2017 - جىلعا دەيىن جوبالاردى جۇزەگە اسىرۋعا جىل سايىن 500 ميلليارد تەڭگە بولىنەتىنىن اتاپ ءوتتى.
سونداي-اق، پرەزيدەنت اتالعان باعدارلاما بويىنشا اۋىل شارۋاشىلىعى مەن ازىق-تۇلىك ونەركاسىبى، قايتا وڭدەۋ، ماشينا جاساۋ، شاعىن جانە ورتا بيزنەستى قولداۋ، ينفراقۇرىلىمدى دامىتۋ مەن ونەركاسىپ كەشەندەرىنە مەملەكەتتىك قولداۋ ۇلعاياتىنىن، نارىقتى قورعاۋ ماسەلەلەرى بەلگىلەنگەنىن ايتتى.
«قازاقستاندا جاسالعان» دەگەن برەندپەن جاسالعان تاۋارلار اۋقىمى ۇلعاياتىن بولادى. وسى ماقساتتار اياسىندا بيۋدجەت شىعىستارىن وڭتايلاندىرۋ تۋرالى ۇكىمەت پارلامەنتكە ۇسىنىس ەنگىزەدى. دەگەنمەن، مەملەكەتتىڭ حالىق الدىنداعى بارلىق الەۋمەتتىك مىندەتتەرى كۇشىن جوعالتپايدى. دەنساۋلىق ساقتاۋ، ءبىلىم بەرۋ سالالارىن دامىتۋ، ادامي كاپيتالعا ۇزاقمەرزىمدى ينۆەستيتسيالار سالۋ - ەلىمىزدىڭ بولاشاق ەكونوميكاسى ءوسىمىنىڭ نەگىزىن قالايدى دەپ ويلايمىز.
«نۇرلى جول» باعدارلاماسىنا سايكەس، ينفراقۇرىلىمدى دامىتۋ قازاقستاننىڭ الەمدەگى ەكونوميكالىق پروتسەسستەرگە ودان ءارى ىقپالداستىعىن قامتاماسىز ەتەدى»، - دەدى مەملەكەت باسشىسى.
اۆتور: قانات مامەتقازى ۇلى